"...TOCCA BIESSI OTTIMISTA..."

Tratta da L’OTTIMISTA

Commedia brillante in tre tempi di

ORESTE DE SANTIS

Traduzione in dialetto Leccese di 

ANTONIO RIZZO

Opera Tutelata dalla SIAE -  cod. 873148A

http://www.orestedesantis.com

 

***

LA TRAMA IN BREVE

***

Mesciu Ronzu, Sommelier vedovo e in pensione ha giocato tutti i suoi risparmi a lotto e precisamente sul numero 71 della ruota di Napoli che non esce da ben 120 settimane. (episodio realmente accaduto)

Ronzu, pur essendo pieno di debiti e dando a garanzia dei numerosi prestiti l’eventuale vendita di una bottiglia di vino pregiato del 1806 risalente al periodo Napoleonico, continua a giocare , convinto che prima o poi il numero uscirà, ma la situazione si complica: la proprietaria vuole vendere la casa e la figlia Giulia lascia a tempo indeterminato il marito, Giggino Settebello, anche lui fissato per il gioco. Giggino non sapendo dove andare si trasferisce a casa di Mesciu Ronzu.

 

 

 

 

PERSONAGGI E INTERPRETI

 

MESCIU RONZU CANTARINI                                        Antonio Santese    

                                              

GIGGINO SETTEBELLO marito di Giulia                    Riccardo Magnolo

                                              

GIULIA CANTARINI figlia di Mesciu Ronzu              Melania Candido

                                              

FLORA PENNELLO la domestica vedova                 Anna De Giorgi

                                              

ASSUNTA LARICCA proprietaria della casa             Rosa De Santis

                                              

ALFONSO PIGNATA un creditore                                Pino Longo

                                          

GEORGE CIGAR nobile inglese                                    Ennio Stefanelli       

                                              

MARCELLA COCOTTE moglie di George                  Ada

                                              

LAURA BENETTI prima moglie di Giggino                Maria A. Tanzarella                          

La Commedia si svolge nel soggiorno sobrio di Mesciu Ronzu, Sommelier in pensione e vedovo.  La scena contiene due porte chiuse  di cui una indica l’ingresso principale ( al centro della scena) e l’altra il bagno questa ultima messa all’opposta del lato letto ( uscita senza porta che fungerà anche da cucina), Indispensabile alla scena sono una

credenza con bottiglie di vino, una piccola Tv, un balcone ( a destra del pubblico) , una finestra ampia ( a sinistra del pubblico);. un tavolo con due sedie, un attaccapanni , un piccolo divano, una foto di Santo Oronzo.

 

( scena a luci basse come se fosse sera Mesciu Ronzu e Giggino in mutande rosse...Giggino è già sulla finestra pronto per lanciarsi)

 

N.B. la scena iniziale è UN FLASHBACK, in pratica   e’ il finale della commedia, visto all’inizio,  dopo questa prima scena la commedia racconterà come si è arrivato a questo evento, che sembra conclusivo, ma  che, invece,  continuerà nel finale della commedia. Pertanto , l’ultima scena  deve essere  perfettamente uguale

a quella iniziale, in modo che lo spettatore capisca  tutto.

 

 

MESCIU RONZU/   GIGGINO, DATTE NA BELLA SPINTA CU LU RINCULU CCUSSI' SUPERI LU BALCONE E FUTTITE A BASCIU...MENA, MMANISCIATE...

 

GIGGINO                  ( impaurito) SIENTI, IEU TE RINGRAZIU PE LU CONSIGLIU, MA NU TE PARE CA STA ESAGERAMU...CA SETTE PIANI SUNTU!...

 

MESCIU RONZU/     SCUSA, QUALI ERANU LI ACCORDI!?...  CA L'IAMU FATTU INSIEME, PRIMA TIE E POI IEU...PERO',CI HA CANGIATA IDEA, FATTE DE PARTE CA ME FUTTU A SULU!...

 

GIGGINO/      CE CENTRA...NU BETE C'AGGIU FATTU PINZIERU...ETE SULU CA SETTE PIANI ME PARENU MUTI...NU PUTIMU FARE...UNU?...            

 

MESCIURONZU/    UEH, SENZA TANTE STORIE, CE STA SPIETTI...TE FUTTI O NONE?...

 

GIGGINO/      SINE, SINE...E DATTE TANZA!

 

MESCIU RONZU/   TANTU, PE MIE, O TE MINI O NU TE MINI NU CANGIA NIENTI!...ME DISPIACE SOLTANTU PE DDHRA FIGGHIA MIA CA TE TOCCA TE SUPPORTA 'NCORA...     

 

GIGGINO/      PERCE', SCUSA, FAZZU CUSSI' SCHIFU?

 

MESCIU RONZU/  ( convinto) BEH, VERAMENTE SI'... 

 

GIGGINO/      GRAZIE

 

MESCIU RONZU/   PREGO...E CI PROPRIU UE LA SAI L'AGGIU PENSATU TE LU PRIMU MOMENTU CA T'AGGIU ISTU...GIGGINO, TIE NU TI'I BBUTU SPUSARE CU DDHRU FIURU APPENA MPIZZATU, CA SICURAMENTE MERITAVA TE MEGGHIU...E NONE NU SCIACQUALATTUGHE COMU A TIE...E PE SCIUNTA DIVORZIATU,CU DO FIGGHI E CU LU VIZIU TE LU SCECU!!!...

 

GIGGINO/      MESCIU RONZU, QUIDDHRU NU BETE FILU NU VIZIU...ETE NA QUASI PROFESSIONE...CA FILU PE NIENTINALLU BARRA ME CHIAMANU 'GIGGINO SETTEBELLO, UNA SCOPA E UN CERVELLO!...'

 

MESCIU RONZU/   (ironico) INFATTI...CA PE QUISTU NU TE PIGGHIARA CU FACI LU SPAZZINU COMUNALE!...

 

GIGGINO/      FORSE CA TIENI RAGIONE...L'AGGIU FATTA PENARE ASSAI!...

 

MESCIU RONZU/   E PERCIO', MINATE! CUSSI' SE 'NDE SCUSCITA NA FIATA PE TUTTE...

 

GIGGINO/      MA IDDRHA ME OLE BENE!

 

MESCIU RONZU/  MA QUALE BENE E BENE...QUIDDHRA ERA STRIA E TIE L'HA 'MPAPUCCHIATA BONA BONA...E IEU NI LA TISSI CA NU T'IA SPUSARE!...

 

GIULIO/                     ( quasi piangendo) GRAZIE, SINTI VERAMENTE UNU TE COSCIENZA...

 

MESCIU RONZU/   PERO' LI FIGGHI NU SENTENU MAI LI GENITORI...E ALLORA...

 

GIGGINO/      ...E ALLORA?!...

 

MESCIU RONZU/   ...(incavolato)...ALLORA, TE MINI O NO!?...

 

GIULIO/                     ( convinto) E VA BENE...( scende dalla sedia con un salto) MA DOPU TE TIE...    

 

MESCIU RONZU/   (arrabbiato)...E LA SAPIA CA SINTI NU CACASUTTA...LLE TE DDHRAI, LLEATE CA TE MMOSCIU IEU COMU SE FACE!...

                        ( sale sulla sedia)

 

GIGGINO/      AH,SI'?...OGGHIU BISCIU PROPRIU!...'NFACCIATE NU PICCA, 'NFACCIATE...

 

MESCIU RONZU/  E CERTU CA ME 'NFACCIU...(sale sulla sedia e si sporge)

 

GIGGINO/      MEH, TE PIACE LU PANORAMA?...

 

MESCIU RONZU/   E CERTU CA ME PIACE...ADATTISSIMO PE LA PROSSIMA FINE DE TUTTI LI UAI...IEU STA BBAU...NNI ETIMU ADDHRA SUBBRA!...

 

GIGGINO/      SI', PERO'...PRIMA A DDHRA BBASCIU!...( indicando giù dalla finestra)

 

MESCIU RONZU/   (rivolto al cielo, quasi una preghiera) MARIA, MUGGHIERE MIA DEVOTA, SPETTAME STA RRIU...E A BUI (rivolto alla porta d’ingresso) CREDITORI, USURAI  E SCIACALLI...PIGGHIATIBBU QUISTU! TIE'...( gesto dell’ombrello)

 

GIGGINO/      ( afferra il braccio di mesciu ronzu e lo trattiene)...SPETTA, SPETTA NU ,MENUTU...

 

MESCIU RONZU/  MA CE STA FACI...LASSAME, LASSAME SCIRE CA E' TARDU!...

 

GIGGINO/      EH NO, BEDDFRU MIU, EH NO! TROPPU COMUDU...SCINDI, SCINDI...( lo tira giu, lui resiste)

 

MESCIU RONZU/   (reagisce incavolato) UEH, UEH...PIEZZU TE CASU MMUFFITU...LASSAME, LASSAME T'AGGIU DITTU...MA CE TE STA PIGGHIA...LA CACARELLA!

 

GIGGINO/      (tremante)'NCIAGGIU PENSATU...E' MEGGHIU ME FUTTU PRIMA IEU...CA SE RESTU A SULU NU LA FAZZU CCHIUI!...SCINDI, SCINDI CA STA FIATA ETE LA FIATE BONA...LU GIURU: ME FUTTU ABBASCIU!!!... 

 

MESCIU RONZU/   E VA BENE ( mesciu ronzu scende dalla sedia e sale giggino) MA SE STA FIATA NU LU FACI GIURU CA TE MINU IEU...

 

 

GIGGINO/      LU FAZZU, LU FAZZU, STATTE TRANQUILLU...CONTA FINU A TTRETE E ME MINU!...

 

MESCIU RONZU/   A POSTU...ALLORA, SI' PRONTU!? CA IEU STA CUNTU...(velocemente) UNU, DDOI E TTRETE

 

GIGGINO/      OH,OH...E NU SCIRE FUSCENDU!...CA QUISTE SUNTU DECISIONI...VITALI!!!...

 

( bussano alla porta)

 

MESCIU RONZU/   (allarmato e in panico) ELI, MMALEDETTI, ELI...HANE RRIATI...TUTTI CQUAI CU CHIEDENE SORDI...MMANISCIATE,MENA, MMANISCIATE…  

 

GIGGINO/      (concitato anche lui) SINE, VA BENE, AGGIU CAPITU...MA TIE CUNTA CCHIU CHIANU...PRONTI?...

 

MESCIU RONZU/               PRONTI...( ripete) 1… 2…E...3…

 

GIGGINO/      GIULIA, GIULIA  PERDUNAME!!!!!……AHHHHHHHH ( si butta)

 

MESCIU RONZU/   AH, FINALMENTE...QUANTE STORIE PE NU SALTU!!! ( sale anche lui sulla sedia) 71...71...VAFFANCULU!!! AHHHHHHHHHHH … (si butta)

 

 ( buio totale -  stacchetto musicale - si riaccendono lentamente le luci, ad

indicare un nuovo giorno, arriva Flora donna vedova che due o tre volte alla

settimana fa le pulizie a casa di Mesciu Ronzu, apre con le chiavi,  si toglie la

giacca, va in cucina a mettersi un grembiule, torna con un panno  prende le

bottiglie dalla credenza e le poggia sul tavolo poi sfuma la musica)

 

FLORA/                     ( al pubblico) MESCIU RONZU NU'NCETE...MEGGHIU CUSSINE, CA QUANDU 'NCETE IDDHRU NU SE CUMBINA MAI NIENTI...SEMPRE MMIENZU L'ANCHE  CU DDHRE CAZZAROLA TE BUTTIGLIE!SIA CE TENE!!!...ANZI, ETIMU SE ME MMANISCIU CA TEGNU CE FARE!...ECCU CQUAI (si avvicina alle bottigliee le prende con delicatra ironia, parla facendo il verso a Mesciu Ronzu)...ME RACCOMANDU FLORA, CA SUNTURARE, SUNTU BOTTIGLIE DIVINE...IEU ME PERMISI CU NNI DICU CA LA SAPIA CA ERANU BUTTIGLIE TE MIERUE ME MANDAU FFANCULU!...POI, CU NNA UCE TUTTA MUSICATA ME FACE (quasi cantato) ...'QUANDO BEVI UN BICCHIER DI QUESTO VINO PREGIATO E' COME FAR L'AMOR CON IL TUO AMATO'...MAH, NU 'NCI LA FICI CCHIUI,E NI RESPUSI:...MESCIU RONZU, CE M'HA PIGGHIATA PE NA MAMMALUCCA!...RICORDATE CA IEU SU VEDOVA E(fa moine sdolcinate) SACCIU LA DIFFERENZA CA 'NCETE FRA NU BICCHIERI TE MIERU E NA NOTTATA TE AMORE 'MPIZZECATU!!!... 

 

( Bussano alla porta)

 

FLORA/                     (posa le bottiglie) UN MOMENTO, RRIVO SUBBITO...

 

ASSUNTA/   (donna elegante) BUONGIORNO...

 

FLORA/                     OH, SIGNORA SSUNTA, BUONGIORNO...PREGO CCOMODATEVI...

 

ASSUNTA/   GRAZIE...

 

FLORA/                     SIGNORA ASSUNTA, LU SIGNOR MESCIU RONZU NUN C'ETE...

 

ASSUNTA/   SIENTI FLORA, FACIMU NA COSA CHIAMAMUNI PE NUME, UEI?...(nervosa) LA SACCIU CA NU'NCETE...E IEU A 'MPOSTA AGGIU ENUTA: CU PARLU CU TIE TE DDHRU FATTU CA SAI...PERCE' CU LU RONZU NU AMU RISOLTU NIENTI!...

 

FLORA/                     VERAMENTE, TOCCA ME SCUSI, MA NU CAPISCU TE CE STA CUNTI...A MIE, MESCIU RONZU, NU M'HA DITTU PROPRIU NIENTI... 

 

ASSUNTA/   AH NO? E ALLORA TE LA DICU IEU STA COSA...AE SEI MISI CA MESCIU RONZU NU ME PAGA L'AFFITTU E SICCOMU NU IA MAI SUCCESSU, VISTU CA TIE ,SEMPRE CU RISPETTU, ME PARI LA PERPETUA TE LA CASA, MO' ME SPIEGHI SE 'NCETE QUALCHE PROBLEMA CE CAZZAROLA TE PROBLEMA ETE!!!...

 

FLORA/         A DIRE LA VERITA’, ULTIMAMENTE NU ME PARE MUTU LEGITTIMU...SEMPRE STRALUNATU, NERVOSU...E (smorfiosa)NU SE 'NDA CCORTU MANCU CA M'AGGIU TAGGHIATI LI CAPIDDHRI!!!...

 

ASSUNTA/ UHHH!!!...ME SAPE CA STA 'NFESSALITI INTRU STA CASA!...COMUNQUE, CI PASSA N'AUTRU MESE SENZA CU ME PAGA TUTTI LI ARRETRATI, LU FUTTU FORE TE CASA...ANZI...BU FUTTU FORE TE CASA!...CHIARU?...

 

FLORA/         E DOPU TANTI ANNI CA ABETA INTRU STA CASA, E CA HA STATU SEMPRE PUNTUALE. E CA L'HA PURU CCUNZATA ALLI RUBBINETTI SCASCIATI TE LU CESSU...TIENI LU CORAGGIU CU LU MINI MMIENZU LA STRADA!?...E POI

NU BBITI CE STA SUCCEDE CU LA CRISI TE LU SPRITI CA SALE E SCINDE!?...CA POI, DICU IEU, NU PICCA TE COSCIENZA 'NCI OLE PURU!...

 

ASSUNTA/   E VA BENE...MO NNI TAMU N'AUTRU PICCA DE TIEMPU...QUINDICI GIURNI...NE' UNU CCHIUI, NE' UNU MENU

  

FLORA/         (accomodante) SIENTI, SIGNORA SSUNTA, MA ME SPIEGHI PERCE' TIENI TANTA PRESSA?...ANCHE PERCE'SAI CA MESCIU RONZU, PRIMA O POI COMUNQUE TE PAGA...

 

ASSUNTA/   SI',SI'...LA SACCIU...PERO' LI AFFARI SUNTU AFFARI...E STAMATINA ANE CHIAMATU TE L'AGENZIA E M'ANE DITTU CA 'NCETE NA COPPIA TE INGLESI CA OLE SE CCATTANE, A TUTTI LI COSTI, STA CASA...E PE QUISTU ME OFFRENU LU DOPPIU TE QUIDDHRU CA VALE...E TUTTI EURI SUBBRA EURI!!!...QUISTU, BEDDHRA MIA, ETE N'AFFARE...(smorfiosa) E IEU LI AFFARI NU ME L'AGGIU FATTI MAI SCAPPARE TE LE MANU...SSSEEEE'...           

 

FLORA/         (ironica e tagliente, verso il pubblico)...E QUISTA LA SAPIMU!!!...PE LA MARANGIA, HA STATA PROPRIU CHIARA E TRASPARENTE!...MA, SPIEGAME NA COSA...PERCE' STA COPPIA INGLESE FACE ST'OFFERTA PE STA STOZZA TE CASICEDDHRA...NU ME PARE NU PICCA ESAGERATU?...

 

ASSUNTA/   PICCINNA, RANDE, STRETTA, LARGA...A QUIDDHRI NU NI'NTERESSA PROPRIU NIENTI...LA OLENU SULAMENTE PE NA COSA...

 

FLORA/         E SAREBBE?

 

ASSUNTA/  IENI,IENI CA TE MMOSCIU... ( si avvia fuori  al balcone) 

 

FLORA/         FORE ALLU BALCONE? … ( si avvia ma sbanda, poi si ferma, con la mano in testa) UH MAMMA MIA, 'NTORNA, M'HA BENUTU 'NTORNA!...

 

ASSUNTA/   UEH, FLORA, CE BBETE...NU STE STA SIENTI BONA?...

 

FLORA/         NONE , NONE...HAE NU PICCA DE TIEMPU CA ME ENENU SVUOTAMENTI TE CAPU, ME SENTU COMU NA TROZZULA E NU CAPISCU CE BBETE...HAI, MAMMA MIA BEDDHRA...CE MANCANZDE, CE MANCANZE!!!

 

ASSUNTA/  AHHH...E NU TE PREOCCUPARE (ironica) E VUOL DIRE CA SE TRATTA TE LA MENOPAUSA!...E' NORMALE,NO?

 

FLORA/         ( arrabbiata) MA QUALE MENOPAUSA? ...CE STA DICI...IEU STAU BONA, MUTU BONA...PENSA CHIUTTOSTU ALLI MANCAMIENTI TOI, SIGNORA SSUNTA, CA ME PARI CUCCHIA!... 

 

ASSUNTA/   E VA BENE, 'NCE BESEGNU TE SCARFI TANTU?...CA IEU PE SPERIENZA TE L'AGGIU DITTA...CA PURU A DDHRA BONANIMA TE MATRIMA FOSE CCUSSINE...COMUNQUE, SCUSA, SAI, CI M'AGGIU PERMESSA  ...COMUNQUE RIPRENDIMU LU DISCORSU...SCIAMU...( escono fuori al balcone)

 

ANTONIO/    (entra, non visto e non vede, si toglie il cappello e la giacca,) AH,FINALMENTE A CASA , FINALMENTE SULU...MO' BA ME DAU NA BELLA SCIACQUATA, NA BELLA DOCCIA E POI...CI S'HA BISTU ISTU!!!...AHHH...(si avvia al bagno)

 

( Assunta e Flora, fuori al balcone,riprendono a parlare)

 

ASSUNTA/   …E MO HA CAPITU PERCE'...? (le indica all'esterno)

 

FLORA/ (ridendo) PE LU PANORAMA!?...PE NA CULONNA?...

 

ASSUNTA/   PRECISAMENTE!...PERCE' TE PARE PICCA?...CA NU TUTTI LI BALCONI POTENE ITERE SANTU RONZU NESCIU!...

 

FLORA/         BEH, FORSE TIENI RAGIONE...ETE CA UNU SE ABITUA CU LE ISCIA SEMPRE STE MERAVIGLIE, STE COSE BELLE...

 

ASSUNTA/   EH,EH!  CA IEU PERCIO' NU M'AGGIU MAI SPUSATA!(dandosi delle arie al pubblico)...CU EVITU CU SE ABITUA ALLA MIA BELLEZZA...SE SAPE COMU ETE,NO!?...DOPU NU PICCA NU MARITU SE ABITUA E NU TE UARDA CCHIUI! E ALLORA...ADDIU COMPLIMENTI, ADDIU BACI E CAREZZE...E TIE RIESTI COMU NA PALA TE BACCALA'...TOSTA E FRIDDA!...

 

FLORA/         (decisa)...SAI CE TE DICU?...A MIE MARITUMA ME MANCA LO STESSU, PURU CA NU ME FACIA LE SMORFIE...TANTU,(sospirando maliziosa) ALLU QUANTU E COMU...BEH, CANGIAMU DISCORSU CA E' MEGGHIU,VA'...TE POZZU OFFRIRE QUALCHE COSA?...

 

ASSUNTA/   MEH, SE PROPRIU UEI...NU BELLU THE FRIDDU 'NCI STIA PROPRIU BUENU (si fa vento con le mani) CA OSCE STA DERLAMPANU FIAMME E FUECU... ( si siede)

 

FLORA/ STA BA BISCIU...( non fa in tempo)

 

(bussano forte alla porta)

 

FLORA/ E CE BBETE, MO 'NDE FUTTENU LA PORTA A 'NTERRA! (va ad aprire)

 

ASSUNTA/   AH, SSIGNURIA SINTI!? EH, DON ALFONSU MIU BEDDHRU...CE HA SUCCESSU!!! PREGO. PREGO...

 

ALFONSO/   ( tipo strano pieno di fisime e tic effeminati, un pò affaticato mentre si asciuga il sudore)...HAE MENZ'URA CA STA TOZZU!...

 

FLORA/         AHH...TOCCA ME SCUSI...STIAME FORE ALLU BALCONE CU NI UARDAMU SANTU RONZU E NU AGGIU 'NTISU!...

 

ASSUNTA/   DON ALFONSO...BUONGIORNO!!!

 

ALFONSO/  BUONGIORNO, SIGNORA SSUNTA...HAE MENZ'URA CA STAU RRETU LA PORTA...

 

FLORA/         (stizzita) E MO CE FACI...LA RIPETI 'NTORNA?...

 

ALFONSO/  SI', MA PRIMA L'AGGIU DITTA A TIE...MOI NI LA STA DICU ALLA SSUNTA...VA BENE?

 

FLORA/         SIGNORA SSUNTA STA BA TE PIGGHIU LU THE E PURU PE DON ALFONSU  (esce per la cucina)

 

ASSUNTA/   PREGO, DON ALFONSO, ACCOMODATEVI...

 

ALFONSO/   NO, NO, GRAZIE...ME DISPIACE MA NU ME POZZU SSETTARE!...

 

ASSUNTA/   E  COMU MAI?

 

ALFONSO/   HEE...SAPISSI...TEGNU COMU NU PISU!...E PARU PARU ADDHRAI...EHHH...(si tocca il didietro)

 

ASSUNTA/   (meravigliata) NU PISU!?

 

ALFONSO/   (un pò scocciato) EH, NU PISU SI'...CA PUNGE E ME TOLE...INSOMMA, SIGNORA SSUNTA, SE CHIAMANU MORROITI...

 

ASSUNTA/   AH...BEH, SIENTI...'NCETE NA CREMA CA ETE MI-RA-CO-LO-SA...PENSA CA NI L'AGGIU PROVATA PURU  ALLU CANE MIU! (sorride)    

 

ALFONSO/   (subito) SI', SCHERZA, SCHERZA...COMUNQUE STA LA PROU...TRE FIATE ALLU GIURNU...E 'NDE MINTU TANTA CA LU CULU MIU PARE NU PANINU CU LA MAIONESE...PERO' NU STA RISOLVU NIENTI!...

  

FLORA/ (entrando con vassoio) ECCO IL THE…DON ALFONSO ACCOMODATEVI,  ANCORA IN PIEDI STAI?

 

ASSUNTA/  NU SE PO' SSETTARE CA TENE LE MORROITI!!!...

 

FLORA/         (stupita) UH, PERICCIU...E CA QUIDDHRE SUNTU DOLOROSE E FASTIDIUSE!!!

 

ALFONSO/   NU ME 'NDE PARLATI!...COMUNQUE, IEU AGGIU ENUTU CU PARLU CU MESCIU RONZU...

 

FLORA/         ME DISPIACE MA NU 'NCETE... 

 

ALFONSO/   (contrariato)...MANNAGGIA LI TIAULI...AGGIU ISTU LU BALCONE PIERTU E ME PINSAA CA 'NCERA!...E CA M'AGGIU FATTI PURU SETTE PIANI ALL'AMPETE!!!

 

ASSUNTA/   E PERCE' NU HA PIGGHIATU L'ASCENSORE!?

 

ALFONSO/ PE CARITA'!, SOFFRU TE CLAUSURA...MENU MALE CA QUANDU MUERU NU'NDE CAPISCU NIENTI, CA SE NO ME 'NDE FUSCIA SICURU...COMUNQUE IA PASSATU CA FORSE CRAI TEGNU N'APPUNTAMENTU CU MESCIU RONZUE BULIA LA CONFERMA...       

 

FLORA/         COMU SAREBBE FORSE!...INSOMMA ST'APPUNTAMENTU LU TIENI O NO?

 

ALFONSO/   DIPENDE TE LE STRAZIONI TE LU LOTTU...CI STASIRA ESSE LU 71 SULLA ROTA TE NAPOLI EGNU...SE INVECE NU BESSE EGNU SICURU!...(Flora e Assunta si guardano meravigliate e parlottano)...COMUNQUE ME 'NDE STA BAU...CA OSCE STA FACE MUTU CAUTU E TOCCA ME MINTU NU PICCA TE CREMA CA SE NO NU RIESCU MANCU CU CAMINU...  ARRIVEDERCI ( esce camminando lentamente)

 

ASSUNTA/FLORA (sorridendo entrambe maliziose)...ARRIVEDERCI DON ALFONSU...E BANE CHIANU, SAI!?

 

ASSUNTA/   MAH, PE MIE, TENE QUALCHE ROTELLA CA NU NI FUNZIONA!

 

FLORA /        PE MIE S'HA BLOCCATU TUTTO L'INGRANAGGIU...

 

ASSUNTA/   A PROPOSITU...FLORA...MA NU BBETE CA MESCIU RONZU TENE NA QUALCHE MALATIA GRAVE E NU BOLE LA FAZZA SAPIRE?...

 

FLORA/         NONE, PE CARITA’, MA CE STA DICI...CA CI LU ITI ZZUMPA COMU NU CARDILLU...(sospirando)...E CE CARDILLU!

 

ASSUNTA/  E VA BENE...MEGGHIU CUSSINE...A OGNI MODU RESTAMU DACCORDU CA NNI TAU N'AUTRU PICCA DE TIEMPU CU ME POZZA PAGARE...E COMUNQUE NU NI TIRE NIENTI CA SE NO SE ASCETA E MAGARI SE MMALAZZA 'NDAVERU!...ARRIVEDERCI, FLORA...(esce)

 

FLORA/         ARRIVEDERCI,ARRIVEDERCI  E NU TE PREOCCUPARE CA MO ISCIU CE SE POTE FARE!...    (da sola - ironica)  ARRIVEDERCI,  ( ironica) LA BELLA SIGNORA SSUNTA!...CUSSINE DICE MESCIU RONZU! MA SE UARDA ALLU SPECCHIU LA MATINA?...E CI QUIDDHRA ETE BEDDHRA IEU CE SUNTU?...NA VENERE?...NAH, UARDA CQUAI...CHE CARROZZA!...(si tira su il seno)...EH, MESCIU RONZU, ADDU LA TTRUEI N'AUTRA COMU A MIE...AHHH!!!...ME'...LASSA BA LLAU STE TAZZE...( esce  in cucina )

 

MESCIU RONZU/  ( esce con asciugamano a mo’ di cappello e in mutande rosse,canticchiando) AH...CHE FRESCHEZZA... E MO PRIMA DE L'ESTRAZIONE FACIMU TUTTE LE CERIMONIE, PERCE' STA FIATA HA BESSIRE LU 71...STA FIATA ESSE...ME SENTU TROPPU FRIZZANTINU!...ALLORA...LU SHAMPU ME L'AGGIU FATTU...LE MUTANDE RUSSE ME L'AGGIU MISE...DDUMAMU LU LUMINU A SANTU RONZU NESCIU...ME BIU NU BICCHIERI TE MIERU...(beve)E POI...(accende la radio, trasmettono un cha-cha-cha, col bicchiere in mano,  balla  e canta... compare Flora alle sue spalle) 71 CHA CHA  CHA, DEVI USCIRE CHA CHA CHA  ,  71…

 

FLORA/         ( come lui, gli va alle spalle) CHA CHA  CHA...MESCIU RONZU...OSCE STAI ALLEGRU, AH?

 

MESCIU RONZU/   (di soprassalto sputa il vino)  MADONNA MIA...CI ETE!?...

 

FLORA/         (sdolcinata) LA FLORA, MESCIU RONZU, LA FLORA...T'AGGIU 'NZATATU!?

 

MESCIU RONZU/   (contrariato)E CI CU TE EGNA LA FORFORA 'NCAPU...CE 'NCI FACI OSCE A CASA MIA!?...

 

FLORA/                     TOCCA ME SCUSI, MA PE IMPEGNI INNATURALI HA TUCCATU CANGIU TURNU...( gli annusa i capelli)...T'HA FATTU LU SHAMPU?...

 

MESCIU RONZU/   ( imbarazzato) LU SHAMPU? SI, SI...E PURU NA BELLA DOCCIA...

 

FLORA/                     (guardandogli maliziosa le gambe) MA...LA SAI CA STE MUTANDE RUSSE TE STANNU PROPRIU NA MERAVIGLIA!?...

 

MESCIU RONZU/   ( sempre più imbarazzato )LE MUTANDE RUSSE!?…AH, SI'!? ( coprendosi con le mani) 

 

FLORA/                     ( sensuale)  ...E COMU MAI STAI CU LE MUTANDE...RUSSE?

 

MESCIU RONZU/  ( veloce)...NIENTI, NIENTI...STA SPETTU L'EREZIONE...EHM, ULIA DICCU L'ESTRAZIONE...

 

FLORA/                     ( sensuale) IN CHE SENSO?

 

MESCIU RONZU/   ( imbarazzato)  COMU IN CHE SENSO? L’ESTRAZIONE, L’ESTRAZIONE TE LU  LOTTU, FLORA...MA PERCE' ME STA FACI STE DOMANDE? NU STA CAPISCU...( si toglie l’asciugamano dalla testa e si copre)   

 

FLORA/                     (maliziosa) BEH...ETE CA A MIE, LE MUTANDE RUSSE, ME FANNU NU CERTU EFFETTU...PURU MARITUMA SE LE MINTIA  ...( sensuale) E QUANDU SE MINTIA LE MUTANDE RUSSE ERA LU SEGNALE!...SIGNIFICAVA NA COSA...DDHRA COSA...AHH...CI SAPE CI ME STA CAPISCI!?...

 

MESCIU RONZU/  (impacciato) SIENTI FLORA. PE LE MUTANDE TOCCA ME SCUSI E FANNE FINTA CA NU HA ISTU NIENTI...IEU ME PINSAA CA STIA SULU INTRU CASA MIA, SENZA STRANIERI...COMUNQUE, MO' TEGNU CE FARE...QUINDI A BBA SBRIGATE LE FACCENDE TOI...VA BENE?...

 

FLORA/                     (smorfiosa) E VA BENE, ME 'NDE STA BAU...TANTU IA STIRARE SOLTANTU LI CAUSI...PERO' EGNU CRAI...VA BENE?...O 'NCE QUALCHE PROBLEMA!?...

 

MESCIU RONZU/   ( imbarazzato) NO, NO...NUDDHRU PROBLEMA

 

FLORA/                     ( incalzandolo) COMUNQUE, MESCIU RONZU, SE 'NCETE NU QUALCHE PROBLEMA CA TE RUSECA CU MIE TE PUETI CONFIDARE...IN FONDU HAE TANTI ANNI CA ME CANUSCI, NO!?...QUINDI SFOGATE PURU, TIMME CE BBETE CA TE MANCA...(gattina)...FORSE QUALCHE CAREZZA, QUALCHE EFFETTU!?...

 

MESCIU RONZU/   (piuttosto scorbutico) MA QUALE EFFETTU E CAMBIALE...FLORA, CERCA TE CONTIENI NU PICCA CA NU 'NCETEPROPRIU NIENTI TE SFOGARE...STAU BUENU, NU ME MANCA NIENTI E NU ME SERVE NIENTI...AHHHH...E MO' TE 'NDE PUETI PURU SCIRE...

 

FLORA/                     (accomodante) E VA BENE, SCUSAME SAI...ETE CA IEU TEGNU NU CARATTERE MUTU ESPLOSIVU, SUNTU NA...BOMBA...(si ritocca il seno)...A FIATE NU ME CONTROLLU E LA MICCIA SE DDUMA TE SULA...E COMUNQUE SACCI CA IEU A SSIGNURIA 'NCI TEGNU, VA BENE!?...BEH, ALLORA STA BBAU...ARRIVEDERCI...

 

MESCIU RONZU/   (duro) ARRIVEDERCI …ROBA TE PACCI...(dalla radio: estrazioni del lotto - Napoli...)...O SANTU RONZU BEDDHRU, STA TIRANU, STA TIRANU LI NUMERI...  ( si toglie l’asciugamano e se lo rimette in testa)...SPERIAMU CA ESSE, SPERIAMU...CUSSI' NU ME SFRATTANU CCHIUI E ME LA CATTU...STA CASA!!!.(seduto vicino alla radio, molto teso, ad ogni numero lui ripete 71 e se non esce fa dei gesti di sconforto e stizza)

 

RADIO/                      PRIMO ESTRATTO 

 

MESCIU RONZU/   71

 

RADIO/                      16, SECONDO ESTRATTO

 

MESCIU RONZU/   71

 

RADIO/                      24,  TERZO ESTRATTO

 

MESCIU RONZU/   MO ESSE...MO ESSE...

 

RADIO/                      18

 

MESCIU RONZU/   MA VAFF...

 

RADIO/                      QUARTO ESTRATTO  60

 

ANTONIO/    MADONNA...EH, MA L'URTIMU ETE QUIDDHRU BUENU!...ME LU STA SENTU GIA' INTRA LE RICCHIE...

 

RADIO/                      QUINTO ESTRATTO

 

MESCIU RONZU/   ( teso si tappa le orecchie, poi ne stappa una) NU 'NCI LA FAZZU...NU 'NCI LA FAZZU...

 

RADIO/                      72

 

MESCIU RONZU/   (saltando come un invasato)NO…NIENTI, NU HA BESSUTU,NIENTI...E MO COMU FAZZU?   (si versa un bicchiere di vino, va sul divano, spegne la radio) (sottofondo musicale malinconico) ...'NCERTE FIATE LA VITA TE STUTA COMU NA CANDILA...TE RISERVA UAI E DULORI...MO', DICU IEU, DOPU TANTI ANNI, COMU FACI, COMU SE FACE!?...UNU NU BBETE CA LASSA SOLTANTU LI PARITI, LI LAMPADARI, LA MOBBILIA...'NCI PIERDI NA VITA SANA,SANA...TUTTI DDHRI GIURNI C'HA PASSATI CU LI PRIESCI E LI DULORI, CU L'ALBERI TE NATALE E CU L'OE TE PASCA, CU LI BACI E LE CAREZZE...E PURU CU LE CASTIME...AHH...(si versa e beve ancora del vino)...EHHH, MA PRIMA O POI A BESSIRE...E' MATEMATICU...TOCCA BBESSE!...PERO', TOCCA TTROU LI SORDI CU LU POZZU SCIUCARE, MALEDETTU 71...E ADDU LI TTROU STI SORDI...A DDU LI TTROU...(si stende sul divano, sbadiglia, si stiracchia e si addormenta con la luce accesa,  russa )

 

(nella notte)

 

GIGGINO /     ( bussando forte)   MESCIU RONZU, MESCIU RONZU...APRI

 

MESCIU RONZU/   (di soprassalto)...CE BBETE...STA TOZZANU...(guarda l'orologio)...E CA S'HA FATTA PURU NOTTE...( chiedendo) CHI E'? 

 

GIGGINO/      (affannato e impaurito) LU GIGI SUNTU, LU GIGI...APRI, PER FAVORE,APRI CA ME STA SECUTANU...

 

MESCIU RONZU/   (apre, Giggino entra correndo)...MA CE HA SUCCESSU...

 

GIGGINO/      ( molto agitato)  POI TE SPIEGU, POI TE SPIEGU…IUTAME, MENA, IUTAME...

 

MESCIU RONZU/   E CE AGGIU FARE?

 

GIGGINO/      LE BARRICATE, MESCIU RONZU, LE BARRICATE...SPUSTAMU STU MOBILE( la credenza)E MINTIMULU RRETU LA PORTA ...MENA, MENA...

 

MESCIU RONZU/   UEH, VAGNONE...MA CE HA DECISU CU DICHIARI GUERRA?...LE BARRICATE, ME STA SECUTANU...ME PARE CA STA FACI LE GRANDI MANOVRE...MA TE RENDI CONTU CA ETE NOTTE, CA SUNTU LE QUATTRU TE MATINA?

 

GIGGINO/      LA SACCIU, MA SACCIU PURU CA LA NOTTE TIE NU DERMI...E POI AGGIU ISTA LA LUCE DDUMATA...

 

MESCIU RONZU/   E CE CENTRA...M'AGGIU DDURMESCIUTU CU LA LUCE DDUMATA, VA BENE?...MA INSOMMA...CI ETE CA TESECUTA...QUALCHE FIMMENA?...O QUALCHE MARITU CURNUTU?...

 

GIGGINO/      SEMPRE CU STE FISIME, SSIGNURIA!...LI CREDITORI, MESCIU RONZU, LI CREDITORI...PURU STASIRALA CARTA NU HA GIRATA...E DIRE CA TINIA NU TRIS TE CAVALIERI...E QUIDDHRI MOI OLENU LI SORDI...E SUBITU...E ADDU LI BBA PIGGHIU, ADDU LI BBA PIGGHIU...

 

MESCIU RONZU/   BRUTTU SVENTURATU...E PARU,PARU CQUAI I'I BENIRE...A MIE, CA ME STA DERLAMPU TE MISERIA!...E MO', CE FACIMU...QUIDDHRI MO SE PENSANU CA ETE CASA TOA!...

 

GIGGINO/      E CA CERTU...CCUSSI' NU SAPENU ADDUNCA ABETU VERAMENTE!...EH, MA STATTE TRANQUILLU, PENSU CA L'AGGIU SIMINATI...

 

( bussano alla porta)

 

MESCIU RONZU/   CI CU TE CASCIA NU FURMINE!...ECCU...L'URTIME PAROLE FAMOSE!...E MO' CE FACIMU?...

 

GIGGINO/      (disperato)NU SACCIU, NU SACCIU...(si tocca il sedere)...SACCIU SULU CA AGGIU SCIRE TE PRESSA INTRA LU BAGNUUU...( corre in bagno)

 

MESCIU RONZU/  (cerca di fermarlo) COMU ALLU BAGNU...GIGGINOOO...

 

( bussano di nuovo)

 

MESCIU RONZU/  (falsando la voce)...CHI E’...!?

 

ALFONSO/  ( fuori scena) DON ALFONSU, MESCIU RONZU,DON ALFONSU...STAMATINA TENIAMU N'APPUNTAMENTU...TE RECUERDI? E SICCOMU LU 71 IERI NU HA BISSUTU...

 

MESCIU RONZU/   (stizzito)E CERTU CA ME RICORDU!...MA SUNTU LE QUATTRU TE MATINA!!!

 

ALFONSO/    E’ VERU , MA AGGIU ISTA LA LUCE DDUMATA...

 

MESCIU RONZU/   CE BBULIA SE FULMINA STA LAMPADINA!!!...NONE DON ALFONSU, NONE...STA DURMIA, VA BENE!?...IENI VERSU LE DIECI CA TE APRU...

 

ALFONSO/  (con voce suadente) E VA BENE A PIU’ TARDI,  ARRIVEDERCI

 

MESCIU RONZU/   E PURU QUISTU E' PACCIU! CHE NOTTATA, CHE NOTTATA…( bussando alla porta del bagno) GIGGINO, IESSI... ERA DON ALFONSU...

 

GIGGINO/      (sofferente, dal bagno) SCUSA SAI...M'HA BENUTU N'ATTACCU TE COLITE!...

 

MESCIU RONZU/   (meravigliato) NAH...ADDAVERU?...E TE STA SCIOGLI TUTTU?...

 

GIULIO/                     SARA' CA M'AGGIU 'MPAURATU, C'AGGIU FUSCIUTU!...

 

MESCIU RONZU/   MA ALLA GIULIA CE N'HA DITTU?

 

GIGGINO/      CA STA SCIA ALLA FESTA TE N'AMICU CA S'IA SPUSARE E CA FACIA TARDU...NU 'NCE PROBLEMA...

 

MESCIU RONZU/  (sconsolato)POVERA FIGGHIA MIA, NU PUTIA TTRUARE TE PESCIU...DIVORZIATU...GIOCATORE...BUSCIARDU E...CACASUTTA...E CA TE LA SCUCCHIATA CCHIU GIOVANE DE TIE...BELLA FRISCA, FRISCA...

 

GIGGINO/      HA DITTA QUALCHE COSA!?

 

MESCIU RONZU/   LASSAMU PERDERE,VAH...SIENTI, CHIUTTOSTU, T'HA SBRIGATU!?...CA PURU IEU AGGIU SCIRE ALLU BAGNU...

 

GIGGINO/      SI, SI...AGGIU FINITU...PUETI TRASIRE...(esce dal bagno)

 

MESCIU RONZU/   GRAZIE  ( entra…ma poi subito riesce, turandosi il naso) ...MADONNA TE LU CARMINU!!!,,,

 

GIGGINO/      CEBBETE, CE HA SUCCESSU!!!

 

MESCIU RONZU/   E ME LU DUMMANDI!?...CA MANCU LI NAZISTI IANU ''NVENTATA NA COSA DEL GENERE...AUTRU CA LU GASS...

 

GIGGINO/      LU FATTU ETE CA LI BAGNI SENZA FENESCIA SUNTU NU PROBLEMA...

 

MESCIU RONZU/   E MO COMU FAZZU?!...

 

GIGGINO/      SIENTI...PERCE' NU FACI COMU QUIDDHRI CA SE CALANU A MARE SENZA LE BOMBULE...PRATICAMENTE IN APNEA...TIRA INTRU LU FIATU...

 

MESCIU RONZU/   SI'...E SE 'NDESSE TE RETU...MALEDETTU A TIE!!!( si ottura il naso e  poi entra)

 

GIGGINO/      (alzando la voce) HA ISTU CA IA RAGIONE?...L'AGGIU SIMINATI, PERSI...AHAHAH...BEH, MO' E' MEGGHIU CI ME 'NDIAU...

 

MESCIU RONZU/   ( dal bagno) ...E NU TURNARE CCHIUI!...

 

GIULIO/                     EGNU CRAI...CA SACCIU CA TE FACE PIACERE...

 

MESCIU RONZU/  SI', PERO'...PRIMA ANE ALLU BAGNU!!!

 

GIGGINO/      E MAMMA MIA, QUANTE STORIE STA FACI...PUO' DARSI CA ETE CURPA TE LU PURE'...CA ME 'NDAGGIU MANGIATU MUTU...BUONANOTTE ( esce)

 

MESCIU RONZU/   ( esce dal bagno, arrabbiato) DISGRAZIATU, ME SAPE CA STU PURE' L'HANNO CONDITU CU L'OLIU TE RICINU…MAMMA MIA, MAMMA MIA...ME SENTU DISTRUTTU...NU GIURNU O L'AUTRU ME ENE N'INFARTU...AHHHH... ( va sul divano e si addormenta –   buio totale- poi stacchetto

 

FINE PRIMO ATTO

 

 

SECONDO ATTO

 

 

come all’inizio, luce ad indicare il giorno dopo, arriva Flora, vestita diversamente, si

toglie lo scialle ,o altro; Mesciu Ronzu dorme ancora sul divano, Flora non lo vede , va in cucina e si mette il grembiule, ritorna e lo vede, sfuma la musica

 

FLORA/                     (da fuori canta: sono una donna non sono una santa...poi entra e a voce alta, pensando che sia in un'altra stanza)

                        MESCIU RONZU, TOCCA ME SCUSI CI AGGIU ENUTA STAMATINA, MA STA ESPERA NU PUTIA E...NAHH, SULLU DIVANU SA DDURMESCIUTU!... ( si avvicina)...MESCIU RONZU ( lo vede sempre in mutande)  … ANCORA CU STE MUTANDE RUSSE...MA...ALLORA LU FACE A'MPOSTA!!!..( si sbottona  la camicetta, si dà  una sistemata ai capelli poi si siede sulla sedia  scoprendosi una gamba …chiamandolo in modo sensuale )MESCIU RONZU...MESCIU RONZIINUU...SONO LE NOVE, SVEGLIATEVI...

 

MESCIU RONZU/   (sta avendo un incubo)...71...71...

 

FLORA/                     (sempre sensuale)...VOLETE CHE VI FACCIO IL CAFFE’ ?

 

ANTONIO/    ...71...71...

 

FLORA/                     (ancora di più)MESCIU RONZUUUUU...SONO LA FLORA, LA TOMESTICA FLORA!!!

 

MESCIU RONZU/   (nel sonno)...FLORA...

 

FLORA/                     UE’ HA DITTU...FLORA...L'AGGIU 'NTISU BUENU...FLORA

 

MESCIU RONZU/  ( sensuale) FLORA...

 

FLORA/                     ANCORA,  ( felice) ME STA CHIAMA ANCORA!...OH, RONZU MIU BEDDHRU...STO QUA...TIMME...CHE 'NCE'?

 

MESCIU RONZU/   ...LU PURE'...LU PURE'...

 

FLORA/                     UH, BEDDHRU MIU...LU PURE'?...TE PIACE LU PURE'?...E NU TE PREOCCUPARE CA DOPU, LA FLORA, TE LU PREPARA BELLU GIALLU E SAPURITU!!! 

 

MESCIU RONZU/  ...(canticchiando nel sonno)...CHA CHA CHA...

 

FLORA/                     E MO’ CE CENTRA LU CHA-CHA-CHA?

 

MESCIU RONZU/   ...CHA CHA CHA...

 

FLORA/                     ( felice)  AH  FORSE  AGGIU CAPITU...NI PIACE CU BALLA!...CA PURU IERI L'AGGIU ISTU CA BALLAVA LU CHA-CHA-CHA...E CA PURU A MIE ME PIACENU LI BALLI...EHHH, CARU RONZU, LA SAPIA, LA SAPIA...FRA NUI DDOI 'NCETE NU FILING!...

 

MESCIU RONZU/   ...CHA CHA CHA...

 

FLORA/                     ( cantato a tempo) DELLA SEGRETARIA……( si mette a fare un cha cha cha)

 

MESCIU RONZU/   ...CHA CHA CHA...

 

FLORA/                     ( cantato a tempo) MAMMA MIA C'E' BELLU...(gli parla sdolcinata) RONZOO, CE NE DICI SE DOPU BALLAMU NU BELLU TANGU PASSIONATU,AH?...RONZOO, RONZOO...(lo scuote)...E SVEGLIATE, NO!?...( lo sveglia)

 

MESCIU RONZU/   (soprassalta) CE BBETE, CE HA SUCCESSU, LU PURE'...CI ETE!!!

 

FLORA/                     (sdolcinata) SONO IO...FLORA...IL TUO CHA CHA CHA ...

 

MESCIU RONZU/  ...MA QUALE CHA CHA ,    

 

FLORA/                     TIMME LA VERITA'...ME STA SUNNAI, NO?...

 

MESCIU RONZU/   UEH, MA...'NCI SINTI O FACI ADDAVERU!?...MA...STA SCHERZI?...CU ME SONNU A TIE!...MA QUANDU MAI!...

 

FLORA/                     E ALLORA PERCE' INTRA LU SENNU M'HA CHIAMATU,MEH?...DIMME?...PERCE'?...(fa il verso)FLORAA...FLORAAA...

 

MESCIU RONZU/   SI', MA SENZA CU ME 'NDE CCORGU...E’ NORMALE...TIE STAI A TUTTE LE PARTI...FLORA, TIE SINTI N'INCUBO, N'INCUBATRICE, ANZI...N'INCUBONE!!!  

 

FLORA/                     ( sensuale)  MESCIU RONZU...MA IEU SUNTU N' INCUBONA...POSITIVA  ( fa un giro su se stessa) O N' INCUBONA...NEGATIVA?

 

MESCIU RONZU/   NEGATIVA, FLORA NEGATIVA...UEH, MA SEMPRE A NA PARTE PIENZI?

 

FLORA/                     (poetica) MA COSA MAI  PUO’ PENSARE UNA  DONNA VEDOVA E SOLA CHE SI TROVA  UN UOMO  NUDO AL SUO COSPETTO!?  ( alzandosi il seno)

 

MESCIU RONZU/  NUDU? MA CE STA DICI? (coprendosi) IEU STAU IN MUTANDE... 

 

FLORA/                     MUTANDE, MUTANDE...MESCIU RONZU, PE DOI COMU A NUI...VEDOVI E SOLITARI, LA FANTASIA CAMINA...E COMU SE CAMINA...O SBAGLIU?

 

ANTONIO/    E CERTU CA TE SBAGLI! E BITI CI MINTI LU FRENU A STA...FANTASIA...PASRCHEGGIA LA MACHINA E SCINDI, CA SENO' TE FACI MALE...MO' LASSAME PERDERE CA M'AGGIU LAVARE E ME ESTU!...

 

FLORA/                     ( sensuale) E VA BENE...

 

MESCIU RONZU/   CHIUTTOSTU, CI ENE DON ALFONSU FALLU SPETTARE

 

FLORA/                     (sensuale) E VA BENE

 

ANTONIO/    …E PRIMA CU ME STIRI LI CAUSI FANNE NA BELLA SCUPATA A'NTERRA...

 

FLORA/                     (sensuale, prendendolo al collo) AH, MESCIU RONZU, CE PARLI BELLU...E POI...E POI...CE AGGIU FARE CCHIUI?

 

MESCIU RONZU/   (con voce strozzata)  E POI NIENTI, FANNE CUNTU CA NU T'AGGIU DITTU NIENTI...STA BAU ALLU BAGNU! (  si avvia)

 

FLORA/                     (lo chiama) AH, MESCIU RONZU, MA INTRA LU SENNU IEU STA BALLAA NU CHA-CHA-CHA CU SSIGNURIA?...

 

NESCIU RONZU/   (con rabbia) NO!!! ( chiude la porta del bagno)

 

FLORA/                     (insistente) MA PER CASU STA BBAI ALLA SCOLA TE BALLU?

 

MESCIU RONZU/   (fuori scena gridato dal bagno) NONE!!!

 

FLORA/                     ( prende la scopa) E MAMMA MIA  COMUS'ENNERVOSISCE PRESTU...MA IEU ME L'AGGIU MISA A'NCAPU E NU 'NCE NIENTI DE FARE: TOCCA BBAU FINU IN FONDU... ( cantato incomincia a scopare) COME E’ BELLO FAR L’AMORE   DA TRIESTE IN GIU’...   

 

( bussano la porta)

 

GIULIA/                     PAPA’ APRI,  SONO GIULIA...

 

FLORA/                     OH, SIGNORA GIULIA...PREGO, ACCOMODATEVI... 

 

GIULIA/                     GRAZIE, VERAMENTE  'NCETE PURU STA COPPIA CA OLE BISCIA L'APPARTAMENTU...

( la coppia inglese vestiti come turisti  molto bizzarri, George ha con se un borsello e un sigaro molto grande, con una macchina fotografica

gira per la stanza a fare foto)

 

MARCELLA/            GUARDA AMORE , TU GUARDARE BENE PERCHE’  QUESTA ESSERE CASA CHE IO VOLERE REGALARE A TE 

 

GEORGE/     ( guardandosi intorno) GRAZIE TESORO QUI E’ TUTTO  BELLO, QUESTO POSTO ESSERE VERAMENTE VERY GOOD   

 

GIULIA/                     FLORA, MA TIE LI CANUSCI?

 

FLORA/                     NO, MA FORSE AGGIU CAPITU...SUNTU QUIDDHRI CA TECIA LA SSUNTA...L'INGLESI...QUIDDHRI CA OLENU SE CCATTANU STA CASA...(si rivolge ai due) EHM...SCUSATE L'INTRODUZIONE...MA UI COMU BU CHIAMATI?...NOMI...VOSTRO NOME... 

 

GEORGE/                 I AM GEORGE

 

MARCELLA/            AND I AM MARCELLA...E YOU...? ( a giulia)

 

GIULIA/                     I AM GIULIA

 

FLORA/                     E IEU ME IAMM FLORA...SCUSATE MA YOU CHE VOLERE DA QUA.

 

MARCELLA/            WELL, NOI VENUTI   PER VEDERE CASA, 

 

GEORGE/     AGENZIA DIRE CHE CASA IN VENDITA, E MOLTI COMPRATORI VOLERE QUESTA CASA, AGENZIA DIRE CHE  NOI  FARE PRESTO,  VEDERE  CASA  E SE PIACERE  PARLARE CON PROPRIETARIA  DONNA,  E NOI  TUTTO FARE BENE  MA  DI  DONNE TROVATE

 

GEORGE/MARCELLA      DUE  ( ridono indicando con le dita)

 

GIULIA/                     (rivolta a Flora)A MIE QUISTI ME PARENU NU PICCA FORE TE CAPU...

 

FLORA/                     TRANQUILLA, MO' TE LI SISTEMU IEU...ASCUSATEMI MISTER CLIKKI ( a George)  SONO ME LA DONNA INTROVATA, LA PROPRIETARIA...TIMME...SPICCHI, SPICCHI...PERO' TALIANO, EH?

 

MARCELLA/            WELL ALLORA  ASCOLTARE BENE, NOI DARE A TE  SUBITO CAPARRA PER ACQUISTARE CASA, PERCHE’ A NOI PIACERE MOLTO...E TU CONSERVARE PER NOI...GEORGE DAI CAPARRA A PROPRIETARIA DELLA CASA

 

GEORGE/     CERTO MARCELLA,  ECCO QUESTI ESSERE 30.000 EURO  ( in una busta che poggia sul tavolo)  (rivolto a Flora) TU CONTROLLARE SE VUOI

 

FLORA/                     (facendo occhiolino a Giulia) E NON C’E BISOGNO...CREDO...CREDO

 

GIULIA/                     MA PENSATECI BENE  LA CASA E’ PICCOLA    

 

GEORGE/                 YES   PICCOLA  , QUESTO SARA’ NOSTRO PICCOLO NIDO D’AMORE  ITALIANO,  NOI FARE AMORE DAVANTI PIAZZA PROPRIO COME FARE A LONDRA SUPONTE DI TAMIGI ( romantici)

 

GEORGE/                 A PARIGI SULLA SENNA

 

MARCELLA/            A  BERLINO SOPRA MURO...

 

FLORA/                     (ironica) IN CINA SUTTA LA LAMPADINA...

 

GIULIA/                     INCREDIBILE...MA QUISTI SE GIRANU LU MUNDU CU FANNU SEMPRE N'ARTE!!!

 

MARCELLA/            YES, DA QUANDO IO, UOMO  BRUTTO E PELOSO, ESSERE DIVENTATA DONNA,  NOI SEMPRE COMPRARE CASE IN TUTTO IL MONDO  PER FARE AMORE , VERO GEORGE?

 

GEORGE/     YES MARCELLA...TU ADESSO VERA BELLISSIMA DONNA SENZA BRUTTI PELI

 

GIULIA/                     (sbigottita) FLORA A 'NTISU? QUISTA MASCULU ERA...(guarda Marcella da capo a piedi)...O ETE!?...

 

FLORA/                     (ironica) CHE BELLA COSA… 

 

MARCELLO/            MA ADESSO NOI VEDERE PANORAMA, DOVE ESSERE PANORAMA?

 

GIULIA/                     VE LO FACCIO VEDERE IO IL PANORAMA, PREGO...CAMM, CAMM...CON CALMA PERO', CASO MAI CADITI BBASCIU!   ( tutti e tre fuori al balcone, prima Giulia poi gli inglesi seguono)

 

FLORA/                     (arrabbiata) HA CAPITU LA SSUNTA!...AUTRUCA FFITTI RRETRATI...QUIDDRHA, LA CASA L'HA GIA' BENDUTA!... ( riprende a scopare) NU 'NCE NIENTI DE FARE...COMU SE DICE...LU CANE SECUTA SEMPRE LU STRAZZATU!!! SPERIAMU CA MESCIU RONZU NU SE CCORGE TE QUISTI CA SE NO' 'NDE MORE 'NFARTUATU...(si spaventa da sola) OHHH, MAMMA MIA BEDDHRA...

 

(  Mesciu Ronzu attraversa la scena in mutande, nervosamente,  dal bagno alla stanza da letto, Flora cerca di distrarlo)

 

FLORA/                     MESCIU RONZU...CE DICI, PE PRANZU TE PREPARU NU BELLU PURE'?

 

MESCIU RONZU/   PE CARITA'...(simila il conato di vomito)...NU LA DIRE MANCU PE SCHERZU!

 

FLORA/                     E VA BENE...IEU ME PINSAA CA TE FACIA PIACERE...

 

MESCIU RONZU/  IEU LU PURE' LU ODIU!...HA CAPITU?...LU ODIU!!!...E TIE NU L'HA MANCU NOMINARE...

 

FLORA/                     E VA BENE NIENTE PURE’...MEH...MO' ABBANDE INTRU LA CAMERA PER CINQUE MENUTI CA TOCCA SPICCIU LE PULIZIE...

 

MESCIU RONZU/  MA  COMU, ANCORA STA SCUPI?!  

 

FLORA/                     ( dispettosa) PERCHE’ CHE C’E DI MALE?  A  ME MI PIACE SCOPARE... 

 

ANTONIO/    MA NU LA SPICCI MAI PERO'...

 

FLORA/         ( ironica) E CE BBUE FACI...A MIE ME RILASSA...ME SCORDU TUTTE LE COSE E LU TIEMPU PASSA...PASSA...SCOPA E PASSA...(maliziosa) NA COSA CI L'HA FARE L'HA FARE BONA...O NO!?

 

ANTONIO/    CHIARISSIMO ( nervoso esce lato letto)

 

FLORA/         STAE SEMPRE NERVOSU...EPPURE SU CONVINTA CA NI FACIA BENE PURU A IDDHRU...(doppio senso) CU SE PIGGHIA NA SCUPA A MMANU!!!

 

( rientra Giulia)

 

GIULIA/UEH, FLORA, PARE CA NNI PIACE PROPRIU STU PANORAMA SAI!?...IDDHRA NU SPICCIAA CCHIUI CU SE UARDA LA CULONNA E CU DICA: QUANTO LUNGO, QUANTO LUNGO...UEH, MA CI LI ITI...STANNU SEMPRE MANU A MANU, PROPRIU COMU DDO NNAMMURATI...CERTU CA FANNU TENEREZZA!

                                    

FLORA/                     A MIE, INVECE, SOLTANTU SCHIFEZZA...TIMME CENCA BBUEI MA IEU SUNTU ALL'ANTICA...LU MASCULU HA BESSERE LU MASCULU E LA FIMMENA LA FIMMENA!

 

GIULIA/ SIENTI, FLORA, MA PERCE' N'HA DITTU CA SINTI LA PROPRIETARIA?

 

FLORA/  CU TE SALVU LU SIRE!...PERCE' QUIDDHRU TENE MUTI PROBLEMI E CI SAPE CA LU SCECU E' FATTU, CA STA PERDE LA CASA, COMU MINIMU NNI ENE COSA...

 

GIULIA/ MA NU TE PREOCCUPARE...SIRMA, LI PROBLEMI L'HA SEMPRE RISOLTI...CI POI NU 'NCE NIENTI DE FARE...BEH...E VUOL DIRE CA SE TTROA N'AUTRA CASA...D'ALTRONDE, CU LA CRISI CA 'NCETE, SSIVOGLIA CASE LIBERE E COMUNQUE, SE LA SSUNTA HA DECISU CA INDE...INDE E BASTA!...

 

FLORA/ E INVECE NO!...IEU LA CANUSCU BONA LA SIGNORA SSUNTA...MO' NI PORTU LI SORDI E IDDHRA SE RRITIRA TUTTU!...MO', CI CUMANDI LU PAPA' STAE INTRU LA CAMERA SOA...STA SE ESTE...   

 

GIULIA/         NO, NU FACE NIENTI...IA PASSATA SULAMENTE CU LU SALUTU...SIENTI, FLORA, IEU TOCCA FUSCIU CA SE NO CHIUDE LA BANCA...TIE, PE DDHRU FATTU PENSA BUENU A QUIDDHRU CA FACI...ALLU PAPA' NU NI TECIMU NIENTI...NNI ETIMU CCHIU TARDU...CIAU... ( esce)

 

FLORA/ ARRIVEDERCI...EH SI,  CA TE PARE FACILE CU TTRUEI N'AUTRA CASA!...E POI, HAE TANTI ANNI CA ABETA CQUAI!!!

 

rientrano George e Marcella

 

GEORGE/     BEAUTIFUL, BEAUTIFUL...BELLO,BELLO...

 

MARCELLA/            VERAMENTE FA VO LO SO!!!...NOI ESSERE MOLTO CONTENTI DI QUESTO POSTO...VERO GEORGE!?... 

 

GEORGE/     ( molto sensuali) MA CERTO MARCELLA TUTTO BELLO...ANCHE TU BELLA...MARCELLA BELLA,BELLA,BELLA... VERAMENTE OK 

 

MARCELLA/ ALLORA, NOI  TORNARE DOMANI  PER FIRMARE CONTRATTO... ADESSO NOI MANGIARE UNO GRANDE PASTICCIONE LECCESE, CON TANTA CREMOLA END CHOCOLAT...CAMON, GEORGE..( escono a braccetto) BY,BY

 

FLORA/ (bugiardo sorriso) BAU,BAU…MA GUARDA NU PICCA STU POVERU DISGRAZIATU QUANTI PROBLEMI HA TINIRE! DOPU NA VITA TE FATIA E SUDURI...MA IEU DICU: VEDUVU TIE, VEDOVA IEU...MA CI TE LA FACE FARE CU STAI SULU; (decisa) MESCIU RONZU, A CQUAI 'NCI OLE NA FIMMENA...UNA VERA...E FILU CA CANGIA PILU COMU DDHRA (tono schifato) MARCELLA!...E CI NU BBUEI CU LA CAPISCI...BEH, SACCI CA TEGNU LA CAPU TOSTA!!!   

 

( bussano alla porta)

 

FLORA/  AH, DON ALFONSO, BUONGIORNO...PREGO  ACCOMODATEVI

 

ALFONSO/   BUONGIORNO ( senza dare la possibilità a Flora di spiegare, molto velocemente) E MESCIU RONZU?…MA COMU, NU 'NCETE? ( veloce) CA CI M'IA ASSICURATU L'APPUNTAMENTU, LU 71 NU HA BISSUTU, E POI...  

 

FLORA/ ( gridato) E NU MOMENTU...E CE STAI CU L'OSSIGENU?...'NCETE,NCETE...STAE A CQUAI...

 

ALFONSO/  ( con la stessa foga di prima) AH, SI'?...'NCETE?...E PERCE' NU ME L'HA DITTA PRIMA?

 

FLORA/ PRIMA QUANDU? CA CI QUANDU PARLI SSIGNURIA ME PARI NU TRENU TE ALTA VELOCITA'...

 

ALFONSO/  ( pensoso col dito alzato) QUISTA TE LU TRENU NU L'AGGIU CAPITA...E MICA TOCCA PARTU...E SE PARTU ADDU AGGIU SCIRE?

 

FLORA/                     (indispettita) SIENTI DON ALFONSU, NU TE SFORZARE CA SE NO TOCCA MINTI MUTA CREMA...COMUNQUE, MESCIU RONZU 'NCETE...

 

ALFONSO/   (perplesso)...'NCETE...MA NU SE ITE...

 

FLORA/                     PRECISAMENTE...MA NU BBETE COMU A GESU'...STA SE ESTE...E M'HA DITTU CU TE FAZZU CCOMODARE...VA BENE? QUINDI, SSETTATE E SPETTA!

 

ALFONSO/   NO, GRAZIE...E' MEGGHIU STAU TISU...(si tocca il sedere)

 

FLORA/         (sorridendo) CUMANDI TE FAZZU NU CAFE'?

 

ALFONSO/   NO, NO GRAZIE...CA PURU QUIDDHRU E' RRITANTE E POI NU DORMU...PURU CA SE DICE CA CINCA DORME NU PIGGHIA PISCI... 

 

FLORA/                     E VA BENE, NIENTI CAFE'...COMUNQUE STATE TRANQUILLU CA NU BBE VERU...

 

ALFONSO/   CE COSA?

 

FLORA/                     CA CINCA DORME NU PIGGHIA PISCI...PENSA CA IEU PASSU LE NOTTATE CA MANCU LU IANCU TE L'EU...EPPURU FURMINE CI 'NDE PIGGHIU MAI UNU!!!

 

ALFONSO/  ( si tocca sulla fronte) LAMPU CI STA CAPISCU NIENTI!

 

FLORA/                     E QUIDDHRU E' LU UAI...A MIE NU ME CAPISCE NISCIUNU...PERO'...(sospira languida, sollevandosi il seno)...AHHH...

 

MESCIU RONZU/   (esce vestito e con una bottiglia di vino) DON ALFONSO, BUONGIORNO!...ALFONSO/ BUONGIORNO ( si danno la mano)

 

FLORA/ MESCIU RONZU...IEU STA BA STIRU LI PANNI...( esce lato letto)

 

NESCIU RONZU/    ANE FLORA, ANE … DON ALFONSU, GRAZIE C'HA INUTU...A'NDUTTI LI SORDI?

 

ALFONSO/   E CERTU, CA SE NO CE BBINIA FAZZU!?

 

MESCIU RONZU/   E IEU SU PRONTU CU DDHRA BOTTIGLIA TE MIERU FRANCESE TE LU 1806...PENSA CA QUISTA LA TINIA NAPOLEONE BONAPARTE COMU RISERVA PERSONALE...IEU LA CCATTAI ALL'ASTA NU PICCA TE ANNI ARRETU E MO' TENE NU VALORE...INCONTROLLATU!...QUINDI, PURU CA ME DISPIACE, TE LA DAU A GARANZIA TE TUTTI LI PRESTITI CA ME STA FACI...PERO', ME RACCOMANDU...TRATTALA COMU A NNU FIGGHIU...(finge commozione E gliela da’ in mano)

 

ALFONSO/  MA SINTI SICURU CA ETE ORIGINALE?

 

MESCIU RONZU/   (orgoglioso indica sulla bottiglia)...NAH...QUISTU ETE LU STEMMA IMPERIALE...STAMPATU A TIMBRU CU LA  CERALACCA...

 

ALFONSO/   STA BISCIU, STA BISCIU ( gli ridà la bottiglia Antonio la poggia nel mobile in scena) COMUNQUE CONSERVALA TIE… MA, MESCIU RONZU, SCUSA, NA CONFIDENZA: A CE TE SERVENU TUTTI STI SORDI CA TE STA 'MPRIESTI? EPPURU ME RISULTA CA PIGGHI NA BELLA PENSIONE!  O SBAGLIU?

 

ANTONIO/    MACCHE’…  LA VERITA' ETE CA LA PENSIONE SE LA FUTTE TUTTA LA FARMACIA...PE LI MEDICINALI CA PIGGHIU...TEGNU LU FEGATU SCUAGGHIATU...COMUNQUE, SSETTATE DON ALFONSU, SSETTATE...

 

ALFONSO/   E VA BENE...PROVAMU ( lentamente, con smorfie e movimenti ridicoli, si siede alla punta) LU FATTU ETE CA TIE, CU LU MESTIERE C'HA FATTU, SSAGGIATORE TE MIERU, A TANTI ANNI CI SAPE QUANTU TE 'NDA BEUTU...E LU FIGATU S'HA SCANTATU!!!          

 

MESCIU RONZU/   ASSAGGIATO, DON ALFONSO, ASSAGGIATO...IEU TE MESTIERE FACIA LU SOMMELIER...FILU LU 'MBRIACUNE...LA VERITA' ETE CA ME MMALAZZAI PE LU DOLORE QUANDU MURIU DDHRA POVERA MUGGHIERE MIA!...

 

ALFONSO/               SIENTIME, RONZU, PENSU C'HA RRIATU LU MOMENTU CU TE PARLU TE NA COSA CA TEGNU A MENTE TE MUTU TIEMPU...SULU CA...PE DISCREZIONE...PE TIMIDEZZA...INSOMMA, QUISTU ETE LU MOMENTU!...

 

MESCIU RONZU/  SCUSA EH!...MA TE CE SE TRATTA CA ME STA FACI TUTTU STU GIRU TE FISARMONICA!...

 

ALFONSO/   (accomodandosi, come per prendere coraggio) ALLORA...NUI DDOI SIMU DO PERSONE TE NA CERTA ETA',NO?... E PURU SULI, NO?...MO'...TIE SINTI VEDUVU...IEU SIGNORINU...INSOMMA, MESCIU RONZU...CI ME SIECUTI

HA RISOLTU TUTTI LI PROBLEMI!!!...

 

MESCIU RONZU/  (incuriosito e dubitativo) E...DIMME NU PICCA, DON ALFONSU...ADDU ETE CA T'AGGIU SECUTARE!!!???...

 

ALFONSO/  (subito, con enfasi) A CASA MIA( in modo gay)...SE IENI CU ABETI CU MIE NNI FACIMU COMPAGNIA...PUETI LASSARE STA CASA E LI PROBLEMI TE LU 'NFITTU...E POI, VISTU CA NU TIENI LI TERMOSIFONI...UE' MINTI, INTRA DDHRE NUTTATE FRIDDE TE IERNU, COMU NNI SCARFAMU TUTTI DDOI...VICINI,VICINI...INTRA LU LIETTU!?...

                       

MESCIU RONZU/   ( si alza e cerca di sviare) DON ALFONSO IN VERITA’ TIE SINTI ...(calcando)N'OMU...SIMPATICU E INTELLIGENTE...E PERO'...ETE LU PROBLEMA TE LU LIETTU CA ME PREOCCUPA...SAI, IEU SU ABITUATU CU ME RREOTU, CU ME STINNICCHIU...INSOMMA...HA CAPITU, NO?...

 

ALFONSO/   ( lo incalza)  MA NUI N'AMU FARE SULU COMPAGNIA...E POI LA SITRA, DOPU LU TELEGIORNALE, NNI PIGGHIAMU MANU CU LA MANU E NI SCIA CURCAMU...CE NE DICI?...

 

MESCIU RONZU/   (imbarazzato e nervosetto) E CE DICU, CE DICU...DICU CA PROPRIU QUISTU ETE LU FATTU...NU ME CONVINCE...LU FATTU TE LU LIETTU!...NO,NO, NU TE 'NDE CURARE...IEU STAU BUENU INTRA LI LANZULI MEI!!!...STA COSA NU ME TRASE PROPRIU A 'NCAPU!!!  

  

ALFONSO/  (insistente) MA NU TE PREOCCUPARE!...TE GARANTISCU CA CU LA PACENZIA, CHIANU, CHIANU...TE POTE TRASIRE...

 

MESCIU RONZU/               (si arrabbia) AHHH...DON ALFONSU...NIENTI, NU HA TRASIRE NIENTI...N'AMU SPIEGATI!? 

 

ALFONSO/  E VA BENE , PER CORRETTEZZA NU INSISTU, PERO’ SE 'NCI PIENZI NU PICCA FACI BUENU...E POI ME FACI SAPIRE...INTANTU, NAH...TIENI STI SORDI...( in una busta)

 

MESCIU RONZU/   GRAZIE 

 

ALFONSO/  ALLORA NI ETIMU SABATU  ( cammina con difficoltà) PE LA RATA TE L'INTERESSI...MO' AGGIU SCAPPARE...TOCCA ME BBA MINTU LA CREMA...(doloroso) TEGNU NU BRUCIORE CA NU ME PUETI CAPIRE!...AHHH...

( si danno la mano rimangono cosi… Fino alla bussata della porta)

 

MESCIU RONZU/   (ironico) TRANQUILLU, TRANQUILLU...SE CAPISCE...E COMU CI SE CAPISCE!!! 

 

( bussano alla porta – atmosfera agitata – scena veloce)

 

GIULIA/         ( bussa violentemente) PAPA’, APRI, APRI,

 

ALFONSO/   A'NTISU?

 

MESCIU RONZU/   SI,SI...ME PARE LA UCE TE FIGGHIAMA...  

 

GIULIA/                     PAPA’ APRI , APRI SONO GIULIA

 

MESCIU RONZU/  ECCUME, ECCUME ( apre - entra Giulia con una grande valigia, trascinandola affaticata) GIULIA!  MA, CE HA SUCCESSU?

 

ALFONSO/   BUONGIORNO

 

GIULIA/         BUONGIORNO….PAPA’...TOCCA STAU QUALCHE GIORNU A CASA TOA...TE DISPIACE?...

 

 

MESCIU RONZU/   MA  NO,NO... MA, PERCE’?...E MARITUTA ADDU STAE?...

 

GIULIA/ (seria e dura) MIO MARITO SE N’E’ ANDATO!

 

ALFONSO/  ( è vicino ad Antonio) ...HA MUERTU?...

 

MESCIU RONZU/   (lo allontana nervoso) MA CE DICI!!!

 

GIULIA/                     SI, SI...SUTTA NU CAMION...ECCU, S'HA SCRAFAZZATU SUTTA NU CAMION!!!  ( contenta)

 

ALFONSO/   (contrito)...MESCIU RONZU...SENTITE  CONDOGLIANZE ( velocemente gli da la mano)

 

MESCIU RONZU/               (seriamente preoccupato) SUTTA NU CAMION?...E QUANDU...COMU?...GIULIA MIA CE ME STA DICI...

 

GIULIA/                     (piangendo) NONE, PAPA', NONE...QUIDDHRA ERA LA FINE CA SE MMERITA...PURTROPPU ETE ANCORA IU!...

 

ALFONSO/               (sospirando)...RITIRO LE CONDOGLIONANZE  ( gli ridà la mano)

 

GIULIA/                     ( arrabbiata)...EH, MA FRA NU PICCA SI CA MORE: LU CCIU IEU CU STE MANU!!!

 

ALFONSO/   (di nuovo contrito)...CONDOGLIANZE  ANTICIPATE ( di nuovo la mano)

 

MESCIU RONZU/  E PER FAVORE!...E SPICCIALA CU STE CONDOGLIANZE!...ME STA PARI NU PRECAMUERTI CU LU PAPPAGALLU SULLA SPADDHRA!...

 

ALFONSO/   ( sempre allo stesso modo col dito alzato, al pubblico)...CI POI SUCCEDE... E VUOL DIRE CA NI L'AGGIU FATTE!

 

GIULIA/                     ( piangendo)  PAPA’ PROMETTIME CA CI ENE NU LU FACI TRASIRE...IEU NU BOGGHIU LU ISCIU MAI CCHIUI!...

 

MESCIU RONZU/   (affettuoso la abbraccia) TRANQUILLA PICCINNA, TRANQUILLA...CA MO SISTEMAMU TUTTE COSE!...

 

ALFONSO/   FORSE E' MEGGHIU CI ME 'NDIAU...  

 

MESCIU RONZU/  (scontroso) COMU MINIMU...VISTA LA SITUAZIONE...

 

ALFONSO/   GIA'...ARRIVEDERCI  ( fa per uscire molto lentamente )

 

( bussano alla porta violentemente)

 

GIGGINO/      GIULIA, APRI, LA SACCIU C'HA ENUTA CQUAI, APRI!!!

 

GIULIA/                     ( autoritaria  spinge Alfonso e  si mette davanti alla porta) IDDHRU ETE...NONE PAPA', NU BBAPRIRE!

 

MESCIU RONZU/   TE CQUAI NU PASSA! ( rimane vicino la porta, Alfonso e Flora alla sua destra)

 

GIGGINO/      ( picchiando sulla porta) APRI, APRI, MALEDIZIONE , APRI STA PORTA

 

FLORA/                     ( entrando dal lato letto) MESCIU RONZU, MA CE STA SUCCEDE?

 

MESCIU RONZU/   NIENTI, NIENTI DE GRAVE...ETE CA LA GIULIA HA LITEGATU CU MARITUSA...

 

FLORA/                     (tranquillizzata) ...MENU MALE...ME PINSAA CA ERA NU LATRU!!!

 

ALFONSO/  MA IEU POZZU ESSIRE?

 

GIULIA/                     ME DISPIACE MA LA PORTA NU SE APRE!

 

GIGGINO/      (implorante) E DAI, GIULIA...APRI...PER FAVORE...

 

GIULIA/                     ABBANDE FARABUTTU, ABBANDE...NU BOGGHIU TE ISCIU CCHIUI...

 

ALFONSO/   ( preoccupato) MA IEU CE AGGIU FARE?

 

FLORA/                     E SPETTA NU MOMENTU!...NU BBITI CA 'NCETE TEMPORALE!?...

 

ALFONSO/   MA IEU CE C'ENTRU?

 

MESCIU RONZU/   (incavolato)UEH, DON ALFONSU, PORTA PACENZA CA CQUAI NU STAI FILU ALLA BANCA...USCITE DE SICUREZZA NU 'NCI 'NDETE...LA PORTA ETE UNA...E POI RIMANE CHIUSA, VA BENE!?

 

ALFONSO/   MA IEU M'AGGIU MINTERE LA CREMA!

 

FLORA/                     (sfottendo) CI CUMANDI TE DAU NU PICCA DE BURRU...TANTU QUIDDHRU SEMPRE MORBIDU ETE!...MO' SSETTATE E CITTU...

 

ALFONSO/   (toccandosi dietro) NO, NO PER CARITA’...MA CE STA DICI?!...

 

GIULIO/                     ( coi pugni sulla porta) APRI , MALEDIZIONE, APRI LA PORTA

 

GIULIA/                     E’ INUTILE CA TE AGITI, NU TE APRU MAI, MAI...

 

FLORA/                     MA NU BBU PARE CA STAE TROPPU NERVOSU LU GIOVANOTTU?

 

MESCIU RONZU/   NONE, NU BBU PREOCCUPATI...SUNTU LE SOLITE TRASTULE TE CINCA SE OLE BENE!

 

ALFONSO/   E CI PER CASU SE AMAVANU...SE PIGGHIAVANU A CURTEDDRATE!?

 

FLORA/                     ( ad Alfonso) MA CE 'NDE SAI SSIGNURIA TE L'AMORE, DON ALFONSU...TE QUIDDHRU CA SUCCEDE TRA MASCULU E FIMMENA...MANCU CU LU POMPELMU AFRICANU 'NCI LA PUETI FARE...

 

ALFONSO/  ( sempre allo stesso modo) MAH...QUISTA TE LU POMPELMU NU L'AGGIU CAPITA!

 

FLORA /                    ETE FRIDISIACU...ETA NA COSA CA TE SPATULISCIA TUTTU QUANTU E TE RREOTA CAPISUTTA...E POI...AHHH....

 

MESCIU RONZU/   (a Giulia) ALLORA, COMU LA RISOLVIMU STA SITUAZIONE?

 

GIULIA/                     SE 'NDA SCIRE, PAPA', SE 'NDA SCIRE...NU BOGGHIU LU ISCIU CCHIUI!!!

 

ALFONSO/   PRIMA SE LI SPOSANU E POI SE LI SCARICANU!

 

GIULIA/                     ABBANDE, AGGIU DITTU, ABBANDE!

 

GIGGINO/      E VA BENE,  CI NU ME APRI SCASCIU LA PORTA...GIURU CA LA FAZZU...MO CUNTU FINU A 5 ( inizia a contare)...1

 

FLORA/                     (con un brivido al pubblico)  AH, SI'...CUSSI' ME PIACENU LI MASCULI...DECISI A TUTTU PE AMORE!...     

 

ALFONSO/   VERAMENTE ME PARE CA MO' 'NCI SCAPPA QUALCHE SCARCAGNATA!…AUTRU CA AMORE!

 

GIGGINO/      1 E MIENZU

 

FLORA/                     ( poetica al pubblico) AH L’AMOUR, L’AMOUR,  DOV’E’ L’AMOUR MIO?  MON AMOUR DOVE SEI, DIMMELO CHE TI VENGO A PRENDERE CON LA PORSCHE...

 

MESCIU RONZU/   (andandole vicino)  SIENTI,FLORA...INTANTU PIGGHIA LA BICICLETTA E ABBANDE, CA CQUAI LA SITUAZIONE E' MUTU COMPLICATA...E CI PURU TIE TE MINTI A MMIENZU...

 

FLORA/                     PARDON, MI SONO LASCIATA ANDARE

 

GIGGINO/      DICO 2.

 

GIULIA/         TRANQUILLI, STA BLEFFA...

 

MESCIU RONZU/   PE MIE SUCCEDE LU QUARANTOTTU!

 

GIGGINO/      E 3

 

ALFONSO/   MESCIU RONZU, PREPARATE CU TE CATTI NA PORTA NOA...

 

GIGGINO/      'NCI STAMU QUASI...E 4 

 

FLORA/                     (rivolta a Mesciu Ronzu e preoccupata) A 'NTISU?...HA DITTU 'QUATTRU'

 

MESCIU RONZU/  AGGIU 'NTISU...SIENTI GIULIA...IEU, MO APRU...

 

GIULIA/                     PAPA’ ...  (piange)

 

ALFONSO/   ( a Flora) MA CE BBETE CA N'HA FATTU, CE HA SUCCESSU?...

 

FLORA/                     SPIACENTE, ME MANCANU LE PUNTATE PRECEDENTI...

 

MESCIU RONZU/  TRANQUILLA FIGGHIA MIA, TRANQUILLA...MO' NI PARLU IEU...LA SAI CA A MIE ME SENTE...(si rivolge ad Alfonso)...INTANTU, SSIGNURIA TIENITE PRONTU: APPENA APRU, SCAPPA E IESSI, PRIMA CU CANGIA IDEA! 

 

ALFONSO/  SI, SI...MO ME MINTU IN POSIZIONE( come se dovesse fare una gara, prima stava a destra adesso passa a sinistra della porta d’ingresso)

 

MESCIU RONZU/   E PURU TIE, FLORA, PREPARATE …

 

FLORA/                     ( sensuale ) IEU SU SEMPRE PRONTA  ( anche lei da destra a sinistra , Giulia davanti alla porta d’ingresso, Ronzu che stava vicino a Giulia dal lato destro passa anche lui a sinistra della porta d’ingresso, vicino a lui Flora e poi Don Alfonso).

 

MESCIU RONZU/   (arrabbiato) FLORA!...E SEMPRE CU LE SOLITE SUNATE!...

 

GIGGINO/      E VA BENE, L'HAI ULUTA TIE... E...5 ( Ronzu apre la porta al 5...Giulio entrando  di corsa cade per terra... ALFONSO che si accingeva ad  uscire viene bloccato da GIULIA che lo abbraccia davanti alla porta...Flora abbraccia Ronzu)

 

FLORA/                     MADONNA CHE PAURA!   ( questa battuta va detta insieme a quella di Giulia)

 

GIULIA/                     (ad Alfonso) AMORE MIO, STRINGIME FORTE, MENA... (questa battuta va detta insieme a quella di Flora)

 

MESCIU RONZU/   ( a Flora) E LASSAME STARE…CE STA FACI ( va da Giggino) TA FATTU MALE?

                       

( Giulia rimane abbracciata con don Alfonso)

 

GIGGINO/      NO, NO STAU, BUENU NU TE PREOCCUPARE

 

GIULIA/                     (svincolandosi da Don Alfonso) ABBANDE, NU BOGGHIU TE ISCIU CCHIUI...

 

GIGGINO/      ...E QUISTU CI ETE?

 

GIULIA/                     (decisa) L'AMANTE MIU...E SE CHIAMA...(sdolcinata) ALFONSO ( lo abbraccia)

 

GIGGINO/      ...SIENTIME ALFONSU...CERCA TE 'NDIAI...CI NU BUEI CU TE SCONSU                

 

ALFONSO/  IN EFFETTI ETE QUIDDHRU CA STA FACIA...ARRIVEDERCI ( si avvia)

 

FLORA/                     E PURU IEU...CA CQUAI STA CCHIOE...ARRIVEDERCI ( esce)

 

MESCIU RONZU/   GIGGINO STATTE CALMU...LA GIULIA ULIA SULU TE FAZZA INGELOSIRE...MO' PERO' BU SSETTATI E ,CON CALMA, ME FACITI CAPIRE PERCE' HA SCOPPIATA LA TERZA GUERRA MONDIALE...SCIAMU, MENA...PARLATI...SFOGATIBBU!

 

GIULIA/         (nera di rabbia) AGGIU SCIUTA ALLA BANCA...NU 'NCETE MANCU NU CENTESIMU...STU DISGRAZIATU...S'HA SCIUCATI TUTTI LI SORDI ALLU LOTTU...

 

MESCIU RONZU/   E ALLU POKER...

 

GIGGINO/      E VA BENE, AGGIU SBAGLIATU...MA E' TUTTA COLPA TE DDHRU CAZZAROLA TE NUMERU  CA NU BOLE CU BBESSE

 

GIULIA/                     MA CE NUMERO E NUMERU...PE MIE SINTI TIE CA STA DAI LI NUMERI!

 

MESCIU RONZU/   TUTTA COLPA TE LU SETTANTUNU!

 

GIGGINO/      VERAMENTE 'NCETE PURU LU 29 SULLA ROTA TE ROMA...

 

GIGGINO/      PAPA’...MA TIE 'NDE SAI NIENTI TE STA STORIA ?

 

MESCIU RONZU/   ( imbarazzato) BHE’...CA CI UARDI LU TELEGIORNALE LA DICE SEMPRE...ORAMAI LA SANNU TUTTI... 

 

GIGGINO/      ORAMAI AMU RRIATI A CENTU SETTIMANE!...

  

MESCIU RONZU/   120 , 120  E LU 29 ANCORA TE CCHIUI!!!

 

GIULIA/                     MA INSOMMA, ME FACITI CAPIRE QUALCHE COSA...100...120...71...29... ?

 

MEESCIU RONZU/ LA TELEVISIONE... 

 

GIGGINO/      ...LU DICE TUTTI LI GIURNI...SUNTU LI RITARDATARI TE LU LOTTU...E OSCE SOLTANTU LU LOTTU TE POTE CANGIARE LA VITA...EH, MA PRIMA O POI...

 

GIULIA /                    ( a tutti e due )  MA PRIMA O POI CENE...CQUAI TE RITARDATI 'NCI SITI SULU UI...PASSA PE SIRMA CA DDAVERU 'NCIGNA DARE LI NUMERI...MA TIE A 'MPACCIUTO...TIE SI PACCIU!!!

 

MESCIU RONZU/   UEI, VAGNONA, STAMU CALMI E NU POCU DE RISPETTU...NU SCHERZAMU CU LI SENTIMENTI!...PE QUANTU RIGUARDA LA SITUAZIONE, CERCAMU NU COMPROMESSU CU SISTEMAMU LE COSE...VA BENE!?

 

 

GIGGINO/      ( in ginocchio da Giulia)  SI, SI COMPROMETTIMUNE, GIULIA MIA, COMPROMETTIMUNE!...SU DISPOSTU A TUTTU...PERDUNAME!...

 

GIULIA/                     E VA BENE, TE PERDUNO, MA...A NA CONDIZIONE:::

 

GIGGINO/      E SAREBBE?

 

GIULIA/                     DOPU CA HA BESSUTU, SEMPRE CI ESSE, STU MMALEDETTU NUMERU...TIE NU SCIUECHI MAI CCHIUI! 

 

MESCIU RONZU/   E ME PARE...TANTU ORMAI S'HA RRICCUTU!

 

GIGGINO/      (si alza) VA BENE...E CI NU MANTEGNU PAROLA ME PUETI PURU 'NFUCARE!...

 

MESCIU RONZU/  BRAU!!! ( accompagnandolo con uno schiaffo forte sulla spalla a Giulio)

 

GIULIA/                     ( piangendo veloce) SI'...MA CI NU BBESSE E 'NCI PERDIMU TUTTI LI SORDI!? 

 

RONZUeGIGGINO              ( insieme, gridato, uno fa le corna l'altro si tocca) NOOO...CITTA!

 

MESCIU RONZU/   (amorevole ma preoccupato) CITTA FIGGHIA MIA, CA MUTE FIATE LA SPURCHIA PORTA LA GONNA!...

 

GIULIA/                     E INVECE LU DICU...E CI POI NU BESSE?...

 

RONZUeGIGGINO/ (ipetono i gesti scaramantici)...GIULIA!!!...E CHE...CAZZAROLA!!!...'NCI SINTI O 'NCI FACI!?...

 

MESCIU RONZU/   LU 71 HA BBISSIRE A'NFORZA!

 

GIGGINO/      E  PURU LU 29!...MATEMATICA NU SE SBAGLIA!...'NCI OLE SULU PACENZIA...

 

MESCIU RONZU/  E CORAGGIU!...

 

RONZUeGIGGINO/             (insieme, rivolti l'uno verso l'altro, mimando una pallina)...E LE MILE!!!

 

GIGGINO/      TOCCA PPUNTI, GIULIA, TOCCA PPUNTI...

 

MESCIU RONZU/   ...SEMPRE TE CCHIUI..

 

GIGGINO/      MA SOPRATTUTTU TOCCA BIESSI...

 

RONZeGIGGINO/    ...OTTIMISTA!!!

 

GIULIA/                     A BBUI BU STA ZZUMPANU LE CERVEDDHRE!!!

 

GIGGINO/      E DAI, GIULIA SE TRATTA AL  MASSIMU TE NU MESE...  

 

MESCIU RONZU/  SI',SI'...L'HA DITTA PURU DONNA RACHELE LA MACARA ALLA TELEVISIONE...E QUIDDHRA SUBBRA CENTU UNA LA MMESTE...E SICCOMU 'NDA GIA' SBAGLIATE 99, QUISTA ETE LA FIATA BONA...NU MESE, GIULIA, NU MESE...

                       

GIULIA/                     E VA BENE!...TE TOCCA NU MESE DE TIEMPU...PERO'...FINU A QUANDU NU BESSE TIE A CASA NU TERNI!!!

 

GIGGINO/      E A DDU AGGIU SCIRE!?...

 

GIULIA/                     ADDUNCA UEI!...ALL'ALBERGU, A CASA TE N'AMICU, ALLU SPIZIU TE LI PERIEDDHRI...A MIE NUME 'NDE FUTTE NIENTI...FANNE CENCA BBUEI...PURU RRETU PORTA RUSCE!...CIAU, PAPA'!( lo saluta, prende la valigia ed esce)

 

MESCIU RONZU/   (pensieroso) CIAO, GIULIA

 

GIGGINO/      GIULIA...MA IEU ADDU AU? GIULIA, SPETTA, SPETTA... (esce seguendola)

 

MESCIU RONZU/   (si avvicina la ritratto della moglie defunta) , AH, MARIA, MARIA...CI SAPE QUANTE FAMIGLIE STA SE RRUINANU CU STU CAZZAROLA TE 71...MA TIE, CA TUTTU ITI E TUTTU SAI, NU PUETI DARE NA SPINTA A DDHRA PALLINA!? AH, NO!...E LA SAPIA, SEMPRE LU CUNTRASTU!...NU CANGI MAI!...A FIATE ME DDUMMANDU A QUALE POSTU TE TTRUEI...CA FORSE MANCU LI TIAULI T'HANE ULUTA!...MEH, MO CCHIUI...TANTU, PRIMA O POI TOCCA TE TTROU TE NANZI: SINTI LA MIA CONDANNA...ETERNA!!!...PERO' T'AGGIU ULUTU BENE...ALLORA, VISTU CA NU ME PUETI IUTARE, ME PREPARU PE LA PROSSIMA ESTRAZIONE  ( si siede e inizia prepara i  biglietti  del lotto – poi inizia a cantare e si chiude il sipario) 71  CHA CHA, DEVI USCIRE  CHA CHA CHA , 71 CHA CHA, DEVI USCIRE CHA CHA CHA...

  

 

FINE SECONDO ATTO

 

 

 

 

 

 

 

 

 

 

 

 

 

 

 

 

 

 

 

TERZO ATTO

 

 

GIGGINO/      ( entra apre con le e chiavi posa la valigia sul divano, l’apre, prende il pigiama e il cuscino che sistema sempre sul divano come se fosse il letto, poi squilla il suo cellulare)

 

GIGGINO/      (imbarazzato) LAURA!?...SI'...SI', E' VERU...NU 'NCIAGGIU ENUTU, MA NU TE PREOCCUPARE...LI SORDI TE LI TAU, TRANQUILLA...LA SACCIU CA SE TRATTA TE FIGGHIUMA E FINU A PROVA CONTRARIA NU SUNTU NU SIRE SNATURATU...DAMME SOLTANTU NU PICCA TE TIEMPU...GIUSTU CU SISTEMU...LAURA, PRONTU, PRONTU...(sconsolato) HA RIATTACCATU...EH, MEGGHIU TIENI CE FARE CU NU MANDRIA TE BUFALI CA CU NA MUGGHIEREDIVORZIATA!...  

  

FLORA/         ( entra in casa, con voce cantata)  NESCIU RONZU...'NCI STAI?  …. 

 

GIGGINO/      BUONGIORNO, FLORA...SECRUMA NU 'NCETE

  

FLORA/         BUONGIORNO...E...COMU MAI TE STE PARTI!? 

 

GIGGINO/  NU SE SACCIU SE TE FACE PIACERE MA, TE MOI 'NNANZI ME ITI INTRU STA CASA...M'AGGIU TASFERITU CQUAI!...

 

FLORA/         ISCIU, ISCIU...(ironica) T'HA CCUNZATU PURU LU LIETTU!...E...COMU MAI STU TRASFERIMENTU?...

 

GIGINO/           (deciso ma dispiaciuto) MUGGHIEREMA ME 'NDA CCACIATU TE CASA...FRA LU POKER E LU SCECU TE LU LOTTU M'AGGIU SQUAGGHIATU TUTTU LU PATRIMONIU...E L'UNICU RIFUGIO ETE CQUAI...ALMENU FINU A QUANDU NU BBESSE LU 71 SULLA ROTA TE BARI...ORMAI ETE NA FISSAZIONE...PE MIE E PE MUTA GENTE!...TIE PURU!?...

 

FLORA/         NO, NO, PER CARITA’...IEU TEGNU N'AUTRA FISSA!..

 

GIGGINO/      E SAREBBE? 

 

FLORA/         (maliziosa)...EHHH...MEGGHIU LASSAMU PERDERE...MA...COMU HA FATTU TRASI?

 

GIGGINO/      TENIMU NU MAZZU TE CHIAI A RISERVA...SECRUMA E' RANDICEDDRU..VIVE SULU...(la fissa)...BEH, PROPRIU SULU NONE...VISTU CA TE TTROU SEMPRE CQUAI...

 

FLORA/         (indispettita) MEH, E CE CENTRA...IEU EGNU SULAMENTE CU NI FAZZU LE PULIZIE...   

 

GIGGINO/      PER CARITA’, NU TE ASCETARE...CA IEU NI LA TICU SEMPRE A SECRUMA CA TOCCA SE TROA NA FIMMENA CU NI LA FAZZA TIRARE NU PICCA SUBBRA...INTENDU, L'ALLEGRIA...CA ETE NU PICCA DEPRESSU, STANCU...

FLORA/         (toccata) E CE SUNTU NU TIRAMISU'?...  

 

GIGGINO/      BEHHH...

 

FLORA/         BEHHH...IEU PUTIA PURU TENTARE CU NNI LU TIRU SUBBRA, COMU DIRE...LU MORALE...PERO' PARE CA, A MESCIU RONZU, (si indica) LU GATTO' NU NI PIACE!!! 

 

GIGGINO/      PERCE'...NU SCIATI DACCORDU?

 

FLORA/         MAH...L'ACCORDU, SECONDU MIE, 'NCI STAE...E PERO' NU 'NCI PENZA...IEU, INVECE, ME LU SONNU TUTTE LE NOTTI...

 

GIGGINO/      BEH, E QUISTU E' NORMALE...PERCE' SE UNU LU...COMU SE CHIAMA...INSOMMA, LU COSU, NU LU TENE...SE LU SONNA!...

 

FLORA/                     (indispettita) MA QUALE COSU?  MA CE STA DICI!!!

 

GIGGINO/  UH, SANTU RONZU MIU BEDDHRU...CE HA CAPITU...ETE CA NU ME ENE(sforzandosi di ricordare)...LU COSU...AH, ECCU...L'AFFETTU!!!...QUANDU L'AFFETTU TE MANCA LU UEI E TE LU SENNI!...  

 

(bussano alla porta – dialogo tutto a bassa voce)

 

GIGGINO/      SPIETTI QUALCHEDUNU?

 

FLORA/                     IEU NONE...

 

GIGGINO/      E ALLORA FAMME NA CORTESIA...PRIMA CU BBAPRI DDUMMANDA CI ETE...

 

FLORA/                     ( a bassa voce) CHI E’...

 

GIGGINO/      ...'NTISA LA UCE...           

 

FLORA/         ( forte) CHI  E’?

 

LAURA/         SONO LAURA, CERCO GIGGINO...MI APRA,  LO SO CHE E’ QUI

 

GIGGINO/      MANNAGGIA...M'HA TTRUATU!!! 

 

FLORA/         MA CI ETE STA LAURA?

 

GIGGINO/      (sempre sottovoce) LA DISCRAZIA!...QUISTA ERA MUGGHIERE MIA TE PRIMU LIETTU...TINNE CA NU 'NCI STAU, CA NU M'HA ISTU!... 

 

FLORA/         ( gridato) ME TISPIACE, MA CQUAI NU 'NCETE NISCIUNU GIGGINU...

 

LAURA/         (molto arrabbiata) SIENTI, SPECIE TE CITOFUNU...AGGIU SCIUTA A CASA SOA E DDHRA POVERA SPINTURATA TE MEGGHIERESA M'HA DITTU CA STAE CQUAI...A DDHJRA SECRUSA...QUINDI, APRI!!!

FLORA/                     ( a bassa voce) CE N'AGGIU DIRE?

 

GIULIO/                     TINNE, TINNE...HA BENUTU E POI SE 'NDA SCIUTU...

 

FLORA/                     ( gridato) DICE C'HA BBINUTU E POI SE 'NDA SCIUTU!...

 

LAURA/                    FAMME TRASIRE O DISCETU TUTTU LU PALAZZU E POI TE BBINCHIU!...MENA, MMANISCIATE...

 

GIGGINO/      NU TE PREOCCUPARE, ETE TUTTA NA FINTA... 

 

LAURA/                    (incomincia a gridare)  AIUTO, MI STANNO VIOLENTANDO...AIUTO, AIUTO...A CASA TE MESCIU RONZU!!! (rivolta a Flora)...CE FAZZU, CONTINUU...?

 

FLORA/                     MA E' PACCIA?

 

GIGGINO/      PESCIU, MUTU PESCIU!...VA BENE, APRI...IEU ME SCUNDU INTRA LU BAGNU...ITE CA NU 'NCI STAU E SE 'NDIAE...PERO'...TRANQUILLA, FLORA, TRANQUILLA...

 

FLORA/                     E SPERIAMU... (apre la porta)  

 

LAURA/                    ( decisa , molto snob - velocemente) FINALMENTE ,  E’ PROPRIO VERU...“CON LA DOLCEZZA SI OTTIENE TUTTO “  PERCE' NU BBULII ME APRI!...SINTI FORSE...L'AMANTE?

 

FLORA/                     (scontrosa)...MA CE STA DICI, SIGNORA…

 

LAURA/                    CERTU, TE LA UCE NU TE FACIA CCUSSI' BECCHIA...EVIDENTEMENTE A DDHRU PAMPASCIUNE NNI PIACE LU BRODU...E, COMU SE DICE..."GALLINA VECCHIA FA BUON BRODO" (ride)

 

FLORA/                     (al pubblico)...SE QUISTA NU LA SPICCIA ME 'NDIAU CARCIRATA!...(poi a Laura, perfida)...SSIGNURIA, FORSE TIENI QUALCHE ROTA FORATA ALLA MACHINA?...PERCE' ME PARE CA STA PIGGHI PROPRIU NA BELLA BOTTA! IEU NU SUNTU L'AMANTE E MANCU LA CUPERTA...IEU SUNTU...                      

 

LAURA/                    (la interrompe) LA MOGLIE DEL  SUOCERO DI GIULIO?...MI SCUSI, MA GIGGINO MI AVEVA DETTO CHE IL VECCHIO VIVEVA DA SOLO...

                                       

FLORA/                     E BBETE LA VERITA'...IEU ME CHIAMU FLORA E BEGNU SULAMENTE DO, TRE FIATE LA SEMANA...

 

LAURA/                    (con aria complice e maliziosa) E FACI BUENU, CUSSI' NU BE MUTU IMPEGNATIVA...LA COSA... MA, LASSAMU, LASSAMU PERDERE STI FATTI PERSONALI...TIMME ADDU STAE DDHRU FARABBUTTU...E NU ME DIRE CA NU SAI PERCE' STA CANUSCU LA VALIGIA...NNI L'AGGIU RREGALATA IEU!!!

 

FLORA/                     (finta) LA VALIGIA? AH SI E’ VERO ...HA BENUTU...SI',SI'...ME STA RICORDU PROPRIU LA VALIGIA!...EHHH...MA...MOI NU 'NCETE E NU SACCIU QUANDU TORNA E CI TORNA.... 

 

LAURA/                    E QUISTU NU BBETE NU PROBLEMA...IEU STAU LIBERA...ME SSETTU E LU SPETTAMU...(si siede - sta per accendere una sigaretta)

 

FLORA/                     (subito) NA CORTESIA...CI HA FUMARE IESSI SULLU BALCONE...C'A MESCIU RONZU NNI TAE FASTIDIU...E QUIDDHRU ETE COMU LI CANI TE CACCIA...SENTE TUTTI LI 'NDORI E LE PUZZE...

 

LAURA/                    (con aria snob) E VA BENE,  FUMERO’ FUORI, AL BALCONE (esce fuori al balcone)

 

FLORA/                     ( al pubblico) AUTRU CA 71 E 29...A CQUAI, FRA NU PICCA, ESSE LU...QUARANTOTTU!!!  

 

GIGGINO/      (sottovoce  affacciandosi dal bagno) FLORA, FLORA...SE 'NDA SCIUTA?

 

FLORA/                     ( anche lei sottovoce) HA DITTU CA TE CQUAI NU SE MMOE...HA BISTA LA VALIGIA!

 

GIGGINO/      PORCA!...LA VALIGIA!...E MO', ADDU STAE?

 

FLORA/                     STA FUMA FORE ALLU BALCONE...

 

GIGGINO/      FORSE E’ E' MEGGHIU CI ME 'NDIAU... 

 

(bussano alla porta)

 

GIGGINO/      CI ETE 'NTORNA!... (si richiude in bagno)

 

FLORA/                     UN MOMENTO, VI APRO SUBITO

 

LAURA/                    (affacciandosi) HANNO BUSSATO...FORSE E’ LUI?

 

FLORA/                     (scontrosa) E CE SACCIU...ME STA PARE LA STAZIONE TE LE CORRIERE... 

 

ALFONSO/   (Flora apre, rimane sull’uscio) POZZU TRASIRE?

 

FLORA/                     (a Laura) ME DISPIACE, GIRU MANCATU...NU BBETE IDDHRU...

 

LAURA/                    GIA’ ( di nuovo fuori al balcone)

 

FLORA/                     DON ALFONSO PREGO, TRASI,TRASI

 

ALFONSO/   GRAZIE...AGGIU ENUTU PERCE' MESCIU RONZU...

 

FLORA/                     (interrompendolo) MESCIU RONZU NU 'NCETE...E COMUNQUE IA STATU MEGGHIU CU NU BIENI!

 

ALFONSO/   IN CHE SENSU, SCUSA...

 

FLORA/                     A COMU TE PARE, DON ALFONSU

 

ALFONSO/   SCUSA MA NU STA CAPISCU

 

FLORA/                     E QUISTA NU BBETE NA NOVITA'

 

ALFONSO/   IEU AGGIU ENUTU PERCE' OSCE ETE SABATU E TEGNU N'APPUNTAMENTU...

 

FLORA/                     E IEU CE 'NCI POZZU FARE SE MESCIU RONZU NU 'NCETE? 

 

ALFONSO/   VABBENE...CE DICI LU SPETTU O PASSU CCHIU TARDU?

 

FLORA/                     (scocciata) AHHH...IEU NU DICU PROPRIU NIENTI...FANNE COMU CUMANDI...CI EUI CU SPIETTI, SSETTATE!!!

 

ALFONSO/   PERCE’, TISU NU POZZU STARE?

 

FLORA/                     (sempre più scontrosa) UFFA…PE MIE TE PUETI STARE TISU COMU NU SALAME O STISU 'NTERRA COMU NU

                        CADAVERE...

 

ALFONSO/  VERAMENTE…

 

FLORA/                     SCOMMETTO CA QUIDDHRA TE LU SALAME NU L'HA CAPITA!...

 

ALFONSO/   NO, E MANCU QUIDDRA TE LU CADAVERE...COMUNQUE AGGIU DECISU: LU SPETTU...PERO', ALLA TISA...(si tocca dietro) CA OSCE, CU LA CREMA, AU MEGGHIU... 

 

(bussano di nuovo alla porta)

 

ALFONSO/   NA', FORSE HA RRIATU...

 

FLORA/                     E SPERIAMU, SPERIAMU, PERCHE’ IEU NU 'NCI LA FAZZU CCHIUI! (apre)

 

ASSUNTA/   ( entra decisa) BUONGIORNO

 

LAURA/                    (rientrando frettolosa dal balcone) HA RRIATU LU GIGGINU?...ADDU STAE?

 

FLORA/                     SPIACENTE...MA TOCCA BBU CCUNTENTATI DE LA SIGNORA SSUNTA!...SIGNORA ASSUNTA, PREGO, ACCOMODATEVI 

 

ASSUNTA/   GRAZIE...MA 'NCETE NA QUALCHE RICORRENZA?

 

FLORA/                     VERAMENTE 'NCETE MUTA...CONCORRENZA!!!

 

LAURA/                    E TUTTI RRIANU MENU CA IDDHRU...

 

FLORA/                     E TIENI PACENZA...ANE...A BBA FUMATE N'AUTRA SICARETTA!!! (Laura ancora fuori al balcone)

 

ASSUNTA/   DON ALFONSO, BUONGIORNO  

 

ALFONSO/   BUONGIORNO

 

FLORA/                     COMU MAI STA VISITA, SIGNORA SSUNTA?

 

ASSUNTA/   LA SAI, LA SAI LA FACCENDA...E...MESCIU RONZU?

 

ALFONSO/   LU STA SPETTAMU. PERO', NU TE 'NDE CURARE MA IEU TEGNU APPUNTAMENTU!

 

ASSUNTA/   (scontrosa) E IEU NONE...MA FACE LO STESSU!!!  ( si siede)

 

ALFONSO/  (al solito non capisce) CE BBETE CA NU TIENI?

 

FLORA/                     ( ironica)...LU CIUCCIU BIANCU CU LU PENNACCHIU…..( ad assunta) TE OFFRU QUALCHE COSA?

 

ASSUNTA/   BEH, SE TIENI ANCORA DDHRU THE ALLA BANANA TE L'AUTRA FIATA...CA ERA PROPRIU BUENU!

 

FLORA/                     A BBA BISCIU... (esce in cucina)

 

ASSUNTA/   DON ALFONSU...(sorridendo, perfida) A SSIGNURIA TE PIACE LU THE ALLA...BANANA ?

 

ALFONSO/   PER CARITA’...LE BANANE SCIOLTE ME FANNU ACIDITA'...LE PREFERISCU SANE E...SAPURITE…MA...COMU MAI SSIGNURIA HA ENUTA...TIENI PER CASU QUALCHE SOSPESU CU MESCIU RONZU?

 

ASSUNTA/   M'HA DARE SEI MISI TE 'NFITTU RRETRATI!...E SSIGNURIA?

 

ALFONSO/   A MIE L'INTERESSI TE NU PRESTITU...

 

LAURA/                    ( entrando) A MIE INVECE N'ANNU TE ALIMENTI PE LU FIGGHIU!!!...BUONGIORNO!...

 

ALFONSOeASSUNTA/ BUONGIORNO

 

AAUNTA/                  E CUSSI', MESCIU RONZU TENE NU FIGGHIU!?

 

LAURA/                    MA NO...LU FIGGHIU ETE TE LU VECCHIU MARITU MIU...CA MOI ETE SCENNERU TE MESCIU RONZU...E...STU SIGNORE (indica Alfonso) ETE MARITU TE SSIGNURIA?

 

ASSUNTA/   (risentita) MARITUMA?...DICU...MA...M'HA ISTA 'LMENU?...TE PARU TANTU SCUMBENATA E TRAPASSATA?

 

ALFONSO/   (risentito) IEU SUNTU SINGOLARE E...SIGNORINO!!!

 

LAURA/                    E VA BENE...COMU BBU SCARFATI PE NIENTI!...CA IN FONDU NA DOMANDA AGGIU FATTA...LASSA  ME ISCIU SANTU RONZU MIU SUBBRA LA CULONNA, VAH...  ( vicina al balcone a guardare il panorama senza uscire )

 

ASSUNTA/   DON ALFONSO... MA, STU GIGGINU...CI ETE?

 

ALFONSO/   ( a bassa voce)  LU MARITU TE LA FIGGHIA TE MESCIU RONZU...PACCI TUTTI DOI...

 

ASSUNTA/   MA CI AGGIU CAPITU BUENU, INTRU STA CASA 'NCETE CCHIU DEBBETI CA FURMICULE A DDHRA FORE!

.

ALFONSO/   CUSSI' SEMBRA...PERO'...IEU LU STA IUTU,EH?...

 

ASSUNTA/  MA CE SE 'NDE FACE DE TUTTI STI SORDI  ?

 

ALFONSO/   (un attimo di esitazione) ...E BOH!?...

 

FLORA/                     ( arrivando dalla cucina con vassoio) ME DISPIACE MA LU THE ALLA BANANA S'HA FINITU...AGGIU PREPARATU NU CAFE' TE UERGIU...E' BUENU LO STESSU?

 

LAURA/                    SI', SI'...ETE PROPRIU QUIDDHRU CA 'NCI OLE...CA SE NO LU FIGATU SCOPPIA... ( lo va a prendere)

 

ALFONSO/   IEU NO, GRAZIE...CA PURU CU QUIDDHRU LA NOTTE NU DORMU...

 

LAURA/                    IO INVECE  LO PRENDO PROPRIO PER NON DORMIRE

 

ALFONSO/   PERCE', SSIGNURIA FATII LA NOTTE?

 

LAURA/                    BEH, A VOLTE SI  ( si allontana con il caffè, vicino al balcone)

 

ALFONSO/  (sottovoce ad Assunta) SIGNORA ASSUNTA...STA PIENZI LA STESSA COSA CA PENSU IEU? ( e indica Laura )

 

ASSUNTA/   (scontrosa) OGNUNU SE TENE LI SOI!!! 

 

FLORA/                     DON ALFONSU, CUMANDI N'AUTRA COSA?  

 

ALFONSO/   NU BELLU BICCHIERI TE ACQUA...PERO'...AMBIENTE, ME RACCOMANDU...  

 

FLORA/                     SUBITU ( Flora esce)

 

ASSUNTA/  DON ALFONSO, HA ISTU CE BELLU PANORAMA SE ITE TE CQUAI!?...LA CULONNA TE SANTU RONZU, LU 'NFITEATRU, LA CHIAZZA...

 

ALFONSO/   VERAMENTE IEU SOFFRU TE VERTIGINI...CA PERCIO’ ABETU ALLU PRIMU PRIMU PIANU.. 

 

LAURA/                    IO VI CONSIGLIO DI VEDERLO...E’ BELLISSIMO! ( posa la tazza di caffè  -  accende un’altra sigaretta e va fuori al balcone -  rientra Flora)

 

ASSUNTA/  E SI', DON ALFONSO...ETE NU PANORAMA CA TE LLEA LU FIATU!!!

 

ALFONSO/   E STA BBITI CA E' PERICOLOSU?...NO,NO...GRAZIE

 

FLORA/                     DON ALFONSU...CA SSIGNURIA T'HA 'NFACCIARE...NU BBETE CA T'HA FUTTERE A BBASCIU!

 

ALFONSO/  ( si avviano a braccetto, Alfonso fa resistenza) TIMME CE BBUEI MA...ME FACE 'MPRESSIONE!( escono fuori al Balcone) 

 

ASSUNTA/   DON ALFONSO , TE GARANTISCU CA NU SUCCEDE NIENTI...SACCI CA LA PAURA ETE NU PROBLEMA...E LI PROBLEMI TOCCA LI UARDI A 'NFACCE...(lo prende sotto al braccio e lo tira)

 

ALFONSO/   ( facendo resistenza) MA IEU NU TEGNU NUDDHRU PROBLEMA...

 

ASSUNTA/  (squadrandolo) BEH, INSOMMA!...SCIAMU, IENI CQUAI...( escono)

 

FLORA/                     ( mentre sta portando il vassoio in cucina, ridendo, mostra dondolando il sedere al pubblico)...E CE PROBLEMA!!!

 

GIGGINO/      ( affacciandosi dal bagno)  FLORA, FLORA

 

FLORA/                     MADONNA MIA BEDDHRA! CI ETE !? ( gli sta quasi per cadere il vassoio)

 

GIGGINO/      FLORA, LU GIGGINU SUNTU...

 

FLORA/                     AHHH...M'IA SCERRATA CA TII CARCERATU INTRA LU BAGNU( posa il vassoio sul tavolo)...MA TICU IEU, STA BITI A CE SORTA TE UAI N'HA MISI!?

 

GIGGINO/      CITTA,CITTA...CHIUTTOSTU SE 'NDA SCIUTA?...TICU...IDDHRA...LA EX... 

 

FLORA/                     MA MANCU PE LA CAPU...S'HA PIAZZATA CQUAI PESCIU TE NA ZICCA...CERTU, PENSU C'HA FATTU BUENU CU LA IENTULI ALLU LARGU!!!

 

GIGGINO/      AH SI, E PERCE’?

 

FLORA/                     (si da arie) ANTIPATIA CONGENITA!..NU LA SOPPORTU CU DDHRE ARIE CA SE DAE...CA OLE CU CUMANDA...COMUNQUE, CI CUMANDI, QUISTU ETE LU MOMENTU...STANE TUTTI FORE ALLU BALCONE...QUINDI...SPARISCI!

 

GIGGINO/      (le si avvicina per darle un bacio sulla guancia, Flora lo allontana) STA BBAU!!!...FLORA, GRAZIE!( fa per andarsene)

 

FLORA/                     VA BENE...IEU INTANTU MMUNTU LA GUARDIA NNANZI LA FENESCIA...              

 

GIGGINO/      VA BENE, PERO' LASSA ALMENU CU TE 'MBRAZZU...(si abbracciano)...GRAZIE, FLORA, GRAZIE...  

 

ASSUNTA/  SIGNORA FLORA  ( li vede abbracciati)

 

FLORA/                     ( imbarazzata – Giulio si nasconde dietro flora) SIII!??...TIMME... 

 

ASSUNTA/   VI VOLEVO AVVISSARE CHE STA  SALENDO IL SIGNOR ORONZO...

 

FLORA/                     ADDAVERU?

 

ASSUNTA/   COMUNQUE...SCUSATEMI…MA NON SAPEVO….CONTINUATE  PURE  .( ritorna fuori al balcone)

 

FLORA/                     (risentita) MA CE CONTINUA E CONTINUA…NU BBESERRE MUTU CURIUSITUSA, SIGNORA SSUNTA!...

 

GIGGINO/      (brontola) ME SAPE CA OSCE ESSE NU BELLU MINESTRONE!!!

 

FLORA/                     (arrabbiata)...E MAGARI BU RESTA A 'NCANNA...

 

MESCIU RONZU/   (fuori scena, cantato) A VOLTE SONO UN BASTARDO A VOLTE UN UOMO

 

FLORA/                     (agitata) MESCIU RONZU, STA RRIA MESCIU RONZU...  

 

GIGGINO/      (agitato anche lui)...UEH...ME SENTU COMU NU SURGE IN TRAPPOLA!!!...CE FAZZU, CE AGGIU FARE...

 

FLORA/                     EH...CE HA FARE!?...

 

GIGGINO/      (sconsolato) E ME CHIUDU 'NTORNA INTRA LU BAGNU!!! ( di corsa va in bagno)

 

FLORA/                     (affrettandosi anche lei, quasi scontrandosi) IEU INVECE LE TAZZE...INTRU LA CUCINA!!!...

 

MESCIU RONZU/   AH  ….FINALMENTE  A CASA...FINALMENTE SULU...(rivolto al pubblico) UEH, SARA' NU FATTU NERVOSU MA APPENA TRASU ME SCAPPA....EH,SI'...E...TOCCA BBAU...ALLU GABBINETTU (incomincia a sbottonarsi il pantalone e si avvia verso il bagno. Tenta di aprire )...MEH...E CE BBETE STA NOVITA'...NU SE APRE?...(stringe le gambe, si guarda attorno, cerca di aprire di nuovo)...MANNAGGIAAA!!!....  

                       

FLORA/                     (rientrando, ad alta voce, alle sue spalle) MESCIU RONZU, BUONGIORNO...

 

MESCIU RONZU/   MADOONNA MIA...CI ETE!? ( salto di paura  - gli casca il pantalone)

 

FLORA/                     IEU SUNTU...LA FLORA...

 

MESCIU RONZU/   E CU NU RIGGETTI MAI...SEMPRE MMIENZU STA CASA TE GIRI!!!

 

FLORA/                     (lo guarda sotto, maliziosa) E SSIGNURIA SEMPRE IN MUTANDE!   ( Antonio si tira su il pantalone)

 

MESCIU RONZU/   (indispettito) ...AGGIU SCIRE ALLU BAGNU, VA BENE?...POZZU SCIRE ALLU BAGNU TE CASA MIA?...O ME MINTU LU PANNOLONE!?...SIENTI, MA PERCE' NU SE APRE STA CAZZAROLA TE PORTA? ( mentre ritenta)

 

FLORA/         (imbarazzo)LUBAGNU?...PERCE'...PERCE'...(indifficoltà)...ECCU...S'HA RUTTU LU SCARICU, SI', S'HA RUTTU E AGGIU CHIUSU CU NU SE LLARGA L'ACQUA INTRU CASA...E ALLORA...

 

MESCIU RONZU/   CHIUSU?...E MO', COMU FAZZU!?...AH, SI'...LU BAGNU TE LA LAVANDERIA...(esce)

 

                        Flora si mette a sedere con un sospiro e si fa vento, come se avesse caldo...Rientra Mesciu Ronzu

 

MESCIU RONZU/   (spalle al balcone, abbottonandosi i pantaloni) AH, MO SI CA SE RAGIONA!!!...

 

TUTTI/                       ( entrando dal balcone si posizionano tutti e tre e poi,gridano) BUONGIORNOOO!!!

 

ANTONIO/    ( lui è di spalle sempre vicino al bagno)...MADONNA, LI LADRI!!! (alza le braccia e gli ricasca il pantalone)

 

LAURA/                    BBU L'IA DITTA CA ERANU AMANTI!

 

ASSUNTA/   MA NO, L’AMANTE SUO (indica Flora ) E’ UN ALTRO! 

 

MESCIU RONZU/   (completamente frastornato, urlando) FLORAAAAAA...FLORAAA!!!!!!!CI T'HA DITTU CU FACI FESTE A CASA MIA!!!

 

FLORA/                     (si risiede, confusa,mimando un malessere) OH DIU, ME GIRA LA CAPU!...

 

LAURA/                    EH, BEDDHRA MIA...QUANDU LU FIURU SICCA!!!

 

ASSUNTA/   SI', SI'...QUESTA E' L'ALBA DI UN NUOVO GIORNO, MIA CARA...STAI ENTRANDO IN PENSIONE, CIOE'...IN PAUSA!

 

FLORA/                     ( di scatto in piedi gridato) E MO BASTA!!! CE PAUSA E PAUSA!...LA VERITA' ETE CA STAU TROPPU ACCELLERATA E COMU RIPRESA 'NDE OGGHIU TE SMARMITTATE COMU A BBUI...COMUNQUE...ALLU BAGNU NU SE POTE SCIRE E IEU TOCCA ME RIPOSU CINQUE MENUTI... (esce lato letto) 

 

MESCIU RONZU/   FLORA, MA DDU STA BBAI? ( gli va dietro sistemandosi vicino all’uscita  lato letto)

 

LAURA/                    E ALLORA, VISTU CA CUMANDI LE PRESENTAZIONI, 'NCIGNU IEU: PIACERE, SONO LAURA BENETTI, L'EX AMMOGLIATA DI SUO GENERO GIGGINO...E STA SPETTU CU BEGNA CQUAI!!!...( saluta e poi si siede sul divano)

 

MESCIU RONZU/   PIACERE, ORONZO CANTARINI...

 

ALFONSO/  MESCIU RONZU, PIACERE...IO SONO ALFONSO PIGNATA, INQUILINO DEL PRIMO PIANO ( gli dà la mano)

 

MESCIU RONZU/   DON ALFONSU, TIE ME STA RUMPI LE PIGNE...AUTRU CA LE PIGNATE...A TIE TE CANUSCU BUENU!!!

 

ALFONSO/   (con fare equivoco) LU FATTU ETE CA TE STA BISCIU NU PICCA CONFUSU...NUI, TENIMU APPUNTAMENTU...GIUSTU!?

                        ( muovendogli le mani  davanti agli occhi,  come se Antonio  fosse stonato)

 

ASSUNTA/   (indispettita) A MIE INVECE NU ME L'HA DATU...TECIMU CA ME L'AGGIU PIGGHIATU TE SULA!...

 

ALFONSO/  E SAREBBE? ( ad Assunta)

 

ASSUNTA/   (ironica) LA BANANA TE SUBBRA L'ALBERU!...

 

ALFONSO/  (risentito) MEH, CE CENTRANU LE BANANE?

 

MESCIU RONZU/   E MEGGHIU LASSATI PERDERE...BU STA 'MBRIGGHIATI TE SULI...CHIUTTOSTU, VISTU CA BBU ATI 'NVITATI BU OFFRU QUALCHE COSA?...    ( spostandosi al centro della scena, Laura sul divano, Alfonso a destra del pubblico , Assunta alla sinistra del pubblico vicino a Mesciu Ronzu)

 

LAURA /                   GIA' CONSUMATU, GRAZIE...LA SIGNORA FLORA HA STATA PROPRIU TE GARBU!

 

ALFONSO/   VERAMENTE LA SIGNORA SSUNTA ULIA LU THE ALLA BANANA...MA IA SPICCIATU...

 

ASSUNTA/   ( autoritaria)  MEH...MESCIU RONZU, CE FACIMU?

 

MESCIU RONZU/   ( intendendo il the)  NU TE PREOCCUPARE DONNA SSUNTA, CA MO CI SE RIPRENDE LA FLORA LA MANDU PIGGHIA NA SPREMUTA TE BANANE, VA BENE!?   

 

ASSUNTA/   MA QUALE BANANA? IEU LA BANANA NU LA OGGHIU!...

 

MESCIU RONZU/   ( subito)  E ALLORA, DDO PERCOCHE ?

 

ASSUNTA/   (incavolata) SIENTI, MESCIU RONZU, VISTU CA STA FACI TANTU LU SPIERTU, PERCE' NU BA CCUEGGHI CECORE RESTE E PAMPASCIUNI...CUSSI' TE LE INDI E ME PAGHI, FINALMENTE, LU 'NFITTU ARRETRATU...TIMME QUANTU 'NCI MINTI E QUANDU AGGIU BBENIRE, CA TOCCA ME 'NDIAU...

 

MESCIU RONZU/   E COMU NO!...DON ALFONSO...CE URA ETE!?

 

ALFONSO/   SUBITU ( don Alfonso cerca l’orologio che tiene in tasca durante tutta la scena)

 

LAURA/                    MANCANU 5 MINUTI  ALLE SETTE 

 

MESCIU RONZU/   A POSTU...E ALLORA, IENI OTTU E CINQUE, DOPU L'ESTRAZIONE... 

 

ASSUNTA/   (lo interrompe) PERCE', TE STA TIRI QUALCHE ANGALE!?

 

MESCIU RONZU/   NONE, CE HA CAPITU...ULIA DICU MO CA ESSENU LI NUMERI TE LU LOTTU...QUINDI, IENI FRA N'ORETTA E TE SALDU LU DEBITU!

 

ASSUNTA/  E VA BENE, NI ETIMU FRA N'URA...ARRIVEDERCI ( esce)

 

TUTTI/                       ARRIVEDERCI

 

ALFONSO/   ( finalmente ha trovato l’orologio) MESCIU RONZU, SUNTU LE SETTE PRECISE...

 

MESCIU RONZU/   (lo guarda male) VERAMENTE...SSIGNURIA STAI SEMPRE NU PICCA RITARDATU! GRAZIE COMUNQUE...

 

( telefono)

 

LAURA/                    SBAGLIU O STA SONA LU TELEFUNU?

 

MESCIU RONZU/   (cellulare o cordless) SI,SI...ETE LU MIU, SCUSATE….PRONTO? AH  FINALMENTE!...GIGGINO!...A DDU FURMINE T'HA CACCIATU?...MANCHI SULU TIE ALLA RIUNIONE TE...CONDOMINIU!!! 

 

LAURA/                    (gli strappa il telefono)  TAMME CQUAI...TAMME CQUAI CA NI PARLU IEU!!!... ( Laura finge di parlare a telefono Mesciu Ronzu  prende sotto braccio Alfonso  e si apparta con lui)

 

ALFONSO/   VERAMENTE IEU AGGIU ENUTU PE DDHRA FAMOSA RATA TE L'INTERESSI...

 

MESCIU RONZU/   ( falsamente sensuale) DON ALFONSU, DON ALFONSU...MA SSIGNURIA LA SAI CA PAGU SEMPRE TUTTU...CA SUNTU NA PERSONA PRECISA, CA TEGNU PRINCìPI TUESTI...

 

ALFONSO/   ( un pò gay) LA SACCIU...CA PURU PE QUISTU ME SINTI MUTU SIMPATICU...PROPRIU PE STI PRINCìPI...TUESTI!

 

MESCIU RONZU/   ( sensuale) DON ALFONSO...SCUSAME SE 'NDE PPROFITTU, SAI?...MA...ECCU...IA BESEGNU TE AUTRI DECEMILA EURI...NU BBETE CA, PE STA SIMPATIA, ME LI PUTII DARE...NO? 

 

LAURA/                    ( gridato a telefono)  TIE SINTI NU CAPRONE E PURU CU LE CORNE...HA CAPITU?

 

ALFONSO/  BEH...ETIMU NU PICCA...PERO' 'NCI OLENU GARANZIE...ALMENU UNA...ECCU, PER ESEMPIU, DDHRA FAMOSA BUTTIGLIA TE NAPOLEONE...SEMPRE CI LA TIENI ANCORA...IN FONDU HA DITTU CA VALE ALMENU 50.000 EURU...

 

MESCIU RONZU/   EH!...E CA CERTU CA LA TEGNU!!!     

 

ALFONSO/   E VA BENE, PERO’ QUISTU ETE L'URTIMU PRESTITU CA TE POZZU FARE...

 

MESCIU RONZU/   (allegramente gli dà una pacca sulla spalla) E 'NCI ULIA!...STATTE TRANQUILLU!!!

 

ALFONSO/   ALLORA STA BA RRIU A CASA CU TE PIGGHIU L'OCCORRENTE...(gli fa il gesto dei soldi)

 

MESCIU RONZU/   (sfregandosi le mani) E VAI, VAI... 

 

(Alfonso esce)

 

LAURA/                    ( al telefono con Giulio gridato, camminando per la scena )  TIE TIENI LE CORNE...HA CAPITU!?

 

MESCIU RONZU/  ( la segue)  SIENTI SIGNORINA EX SIGNORA CERCA TE CALMI...E SACCI CA LA FIGGHIA MIA ETE SUPERONESTA! 

 

LAURA/                    (lo ignora) E CA CERTU...A UNU COMU A TIE LE CORNE SUNTU LU MINIMU!!!...

 

MESCIU RONZU/   (alterato) E MO PERDU LA PACENZA! FIGGHIAMA STE COSE NU LE FACE...HA CAPITU!? 

 

LAURA/                    (continua a ignorare Mesciu Ronzu) SIENYIME BUENU...IEU ME 'NDIAU MA TIE, INTRU STASIRA M'HA DARE LI SORDI E...VAFFANCULU A TIE E STU SETTANTUNU!!!...(chiude e ridà il cellulare a Ronzu) 

 

MESCIU RONZU/   ( rivolto a Laura) ALLORA...CE T'HA DITTU?

 

LAURA/                    CA STASIRA LU SETTANTUNU ESSE TE SICURU...MA CE PAMPASCIUNI STI MASCULI CA SE RRUINANU CU LU SCECU TE LU LOTTU...IEU LI CCEDIA TUTTI QUANTI!!!...A MAI PIU' VEDERCI!...

 

MESCIURONZU/    (accompagnandola) STATTE BONA E NU TE PREOCCUPARE...NU 'NCE BESEGNU CU RISCHI LA GALERA...CA QUIDDHRI PARENU VIVI...MA ANE GIA' MUERTI...TE FAME!!! ( intendendo che deve andare in bagno, chiamando) FLORA.  FLORA

 

FLORA/                     SI'...CUMANDI?

 

MESCIU RONZU/  SIENTI FLORA...SARA' PE TUTTU STU CASINU MA OSCE ETE NA SCIURNATA TE GABINETTU...E MO' TOCCA ME

                        SSETTU...E INTRU LA LAVANDERIA NU BBE POSSIBILE, STAU STRITTU...HA CHIAMATU L'IDRAULICU?

 

FLORA/                     (confusa) VERAMENTE ANCORA NO... 

 

MESCIU RONZU/   (arrabbiato) MA COMU NO...MA COMU NONE!!!...E CI UNU STAE CU LI SCIOGLIMIENTI CE FACE...INTRU LE CHIANTE?

 

FLORA/                     E MO CHIAMO...STA BBAU!!!  ( esce in cucina)

 

MESCIU RONZU/   ( incomincia a camminare nervosamente, toccandosi il sedere)  ... E FANNE PRESTU...CA CQUAI LA SITUAZIONE STA DIVENTA SCIVOLOSA!...    

 

(bussano la porta)

 

ALFONSO/   ECCOMI  QUA (nota l'andirivienio di Ronzu)...MA, SCUSA...PERCE' STA CAMINI CCUSSINE!...STAI NERVOSU?

 

MESCIU RONZU/   NU 'NCI FARE CASU, ALFONSU...CHIUTTOSTU LI SORDI ADDU STANNU? (saltella)

 

ALFONSO/   ECCULI (mostra una busta)...E MO PERCE' STA ZZUMPI...PE LA GIOIA? 

 

MESCIU RONZU/   (a denti stretti) NIENTI, DON ALFONSU, NIENTi...GRAZIE COMUNQUE ( prende la busta)

 

FLORA/                     (rientra ) L'IDRAULICU DICE CA PRIMA TE LE NOVE NU POTE ENIRE...CE DICI, CHIAMU LI POMPIERI?  

 

MESCIU RONZU/   FRA NU òPICCA TOCCA CHIAMI LE POMPE FUNEBRI, AUTRU CA LI POMPIERI...MO SCATTU!!!...ITI SE CHIAMI QUALCHETUNU AUTRU.(Flora esce di corsa)?...E MO COMU FAZZU...ANZI, ADDU LA FAZZU!!!

ALFONSO/  (preoccupato) MESCIU RONZU...MA CE BBETE C'HA FARE!?  

 

MESCIU RONZU/   ( mentre va avanti indietro,deciso) NA COSA CA NU POZZU DIRE CA NU LA FAZZU!

 

ALFONSO/   NA COSA IMPELLENTE?

 

MESCIU RONZU/   (torcendosi sulla pancia) UH ….MAMMA MIA... IMPELLENTE E IMMINENTE!!!

 

ALFONSO/   (malizioso) TE POZZU IUTARE?

 

MESCIU RONZU/   (si blocca, un'idea...risoluto) E CA CERTU!...DON ALFONSU...SCVIAMU A CASA TE SSIGNURIA!     

 

ALFONSO/  ( sensuale)  AH, RONZINO, FINALMENTE L’HAI CAPITO CHE ERA LA MIGLIORE SOLUZIONE...VI GARANTISCO CHE INSIEME STAREMO BENISSIMO... 

 

MESCIU RONZU/   DON ALFO’, VA BENE...PERO' OGGHIU BBISCIU PRIMA L'APPARTAMENTU...TE FUNZIONA BONA LA TAZZA TE LU BAGNU!?...

 

ALFONSO/  (con vanità) E COMU!...AGGIU MISU N'AFFARE GIAPPONESE...LU TOTOWATER...

 

MESCIU RONZU/   E FUNZIONA COMU QUIDDHRU ITALIANU??

 

ALFONSO/   CERTAMENTE ... SULU CA DOPU 'NCETE LU RISCIACQU PROFUMATU...E POI LA VASCA MODELLO CASCATE TE LU NIAGARA...TOCCA LA PRUEI, RONZINO, ETE NA DELIZIA.

 

MESCIU RONZU/  SIENTI, DON ALFONSU...MOI OGGHIU PROVU SULAMENTE LA TAZZA...GIAPPONESE, ITALIANA, ESQUIMESE...COMU FURMINE ETE, ETE...MENA...SCIAMU,SCIAMUUUUUUU....(lo spinge fuori  escono)

 

FLORA/                     (chiamando cerca) MESCIU RONZU, MESCIU RONZU!...MA DDU A SCIUTU(poi fa uscire Giggino)...IESSI...IESSI,NU 'NCE NISCIUNU...CHE BELLU CASINU CA M'HA CUMBENATU!

                       

GIGGINO/      TRANQUILLA, TRANQUILLA CA SECRUMA CAPISCE...CHIUTTOSTU CI SAPE COMU SPICCIA STA STORIA!

 

FLORA/                     BEH, SEMBRA CA LU PESCIU HA PASSATU!...

 

GIGGINO/      ( affranto) IEU PENSU C'ANCORA HA RRIARE!!!

 

FLORA/                     VA BENE...MA MOI CE INTENZIONI TIENI, CE BBUE FACI?

 

GIGGINO/      TOCCA SCIOCU 'NTORNA LU 71...SU CONVINTU CA STA FIATA ESSE!

 

FLORA/                     AHHH...MA ETE NA FISSAZIONE!...MA CUSSINE BBU RROVINATI!!!

 

GIGGINO/      E CE AGGIU FARE...SU RRUINATU,SINE...E CI NU PAGU LI DEBITI ME FANNU FORE...QUIDDHRI NU SCHERZANU!

 

FLORA/                     (compassionevole) E VA BENE...E NU TE SCORAGGIARE...ORMAI LU SCECU E' FATTU E NU SE POTE CANGIARE...SIENTI, MO TE FAZZU NU BELLU CAFE',AH?...NU BELLU CAFE' PRIMA (ride)...DE LU TRAPASSU!

 

GIGGINO/      ( si fa il segno della croce) VOLENTIERI,  GRAZIE

 

FLORA/                     VE LO FACCIO SUBITO ( esce)

 

(ritorna Mesciu Ronzu)

 

MESCIU RONZU/   AH...FINALMENTE!...

 

GIGGINO/      BUONGIORNO

 

MESCIU RONZU/   UEH, GIGGINU, FINALMENTE A RRIATU...MA CE STA SUCCEDE...?

 

GIGGINO/      ( commosso) NU SACCIU CCHIU A DDU AGGIU SCIRE...ME SECUTANU...STAU CHINU DE DEBITI...

 

MESCIU RONZU/  DEBITI? SIENTI GIGGINU...'NCETE MOMENTI INTRU LA VITA CA TE SIENTI PERSU E NU SAI CI TE CONVIENE CU TE 'MPICHI O CU SPARISCI...E NU TIENI CCHIUI SPERANZE...TUTTU NIURU...POI, TUTTU DE PARU SE APRE NA LUCE, MAGARI N'AMICU TE SVENTURA, E TE TORNA LA SPERANZA...E ALLORA...TOCCA BBIESSI OTTIMISTA!!!  

 

GIGGINO/      AH, SI?...E CI SAREBBE ST'AMICU ?

 

MESCIU RONZU/   MA COMU CINE...IEU, NO!? 

   

GIGGINO/      (meravigliato) NOOO...PURU SSIGNURIA...CHINU DE DEBITI? 

 

MESCIU RONZU/   (affranto)      EH,SI', CARU SCENNERU...PURU IEU...LA PATRUNA TE CASA, DONNA SSUNTA, OLE LA INDA...EH, MA IEU NU TEGNU MANCU NU CENTESIMU...M'AGGIU SCIUCATU TUTTU ALLU LOTTU CU LA SPERANZA SE RISOLVENU LI PROBLEMI...E INVECE...

 

GIGGINO/      E MO...CE FACIMU?

 

MESCIU RONZU/   (con voce decisa) NA SCELTA, GIGGINU, NA SCELTA TE ORGOGLIU...O CONTINUAMU A SCIUCARE...O LA FACIMU FINITA!

 

GIGGINO/      (deciso) IEU OGGHIU SCIOCU!   

 

MESCIU RONZU/   ( subito) BRAU! ( gli dà uno schiaffo sulla spalla con foga)  PURU IEU...MA ETE L'URTIMA FIATA!...CI STASIRA LU 71 ESSE BALLAMU...CI NU BESSE...ZZUMPAMU!...E LA FACIMU FINITA CU STA STORIA!...NA FIATA PE SEMPRE!... 

 

GIGGINO/      NU MOMENTU...CE SIGNUFICA...NA FIATA PE SEMPRE?  ?

 

MESCIU RONZU/   (ride con rabbia) SEMPLICE, SE LU 71 NU BESSE...MI BUTTERO’  DA QUELLA FINESTRA! ( indicandola)AH,AH,AH... NU SACCIU TIE, MA IEU LA FAZZU TE SICURU!!!

 

GIGGINO/      TE LA FINESCIA?...MA SUNTU SETTE PIANI!

 

MESCIU RONZU/  (con enfasi) IEU TE STA CASA ESSU SULU STISU...O CU ME 'NDE PORTANU ALLU MANICOMIU...O MUERTU...E SICCOMU CI NU BBESSE DDHRU MALEDETTU 71 A CQUAI TOZZANU TUTTI A DENARI...PREFERISCU LI FUNERALI!!! QUINDI, TIE FANNE CENCA BBUEI...IEU ZZUMPU E NU SE 'NDE PARLA CCHIUI!!!

 

GIGGINO/      HA RAGIONE, CHIUDIMU STA STORIA, TANTU ETE N'ATTIMU...CE BBUEI CU BESSA.(guardando dalla finestra impaurito)  IN FONDU SUNTU SULU SETTE PIANI...( si fa coraggio) COMUNQUE SU SICURU CA STASIRA LU 71 ESSE...

 

MESCIU RONZU/  E BBETE QUIDDHRU CA DICU IEU...ME SENTU PRUDERE LI CADDHRI E QUISTU ETE NNU SEGNALE!...NAH, TIENI STI SORDI E BBA RRIA ALLU BANCULOTTU...SCIOCALI TUTTI SULLU 71...

 

GIGGINO/      (guardando stupito tutti quei soldi)MA...ADDU L'A PIGGHIATI...CE HAI FATTA NA RAPINA?

 

MESCIURONZU/    (incavolato) LA CAPU TOA ETE COMU NA RAPA...ME L'HANNU 'MPRESTATI!

 

GIGGINO/      E CU QUALI GARANZIE?

 

ANTONIO/    (orgoglioso) ...NA BUTTIGLIA TE MIERU, VA BENE?...NU MIERU CA ALE 50.000 EURI...MO, ANE, FUSCI...E RICORDATE CA TOCCA BIESSI...

 

GIGG+RONZU/        ...OTTIMISTA!!!

 

MESCIU RONZU/   E CU N U SULU IDEALE... 

 

GIGG+RONZU/        VINCERE ( gridato) – Giggino esce

 

MESCIU RONZU/   (sfregandosi le mani e con piccolo balletto) STASIRA ENCIMU SICURU!!!

 

FLORA/                     ( entrando col caffè)   …. E CE SE VINCE? 

 

MESCIU RONZU/   (facendo segno con le mani aperte) NNU PACCU TE SORDI CU NU NUMERU ALLU LOTTU! 

 

FLORA/                     CA QUASI, QUASI 'NCI PROU PURU IEU...PERO' SULU PE STA SIMANA!...COMUNQUE, PE MOI, NU BELLU CAFE' TE L'AGGIU PREPARATU!...E POI TEGNU NA BELLA NOTIZIA...

 

MESCIU RONZU/   (bevendo il caffè) AH, FINALMENTE MARE CALMU...E DIMME, FLORA...CE 'NCETE TE NOVITA'!?

 

FLORA/                     (contenta) LU BAGNU L'AMU CCUNZATU...MO SCARICA BUENU!                  

 

MESCIU RONZU/   AH...E CI HA BENUTU CU LU GIUSTA...L'IDRAULICU NESCIU?

 

FLORA/                     NONE, NONE...LU GIGGINU...CA QUUIDDHRU SE 'NTENDE NU PICCA DE TUTTU...PURU TE CESSI...ERA NA COSA DE NIENTI!!!

 

MESCIU RONZU/   L'AGGIU SEMPRE DITTA CA DDHRU GIOVANUTTU TENE DOTE...SULU CA ETE NU PICCA SCIJATU...UEH, MA STU CAFE' ME STA FACE NU STRANU EFFETTU...SCUSAME, FLORA...CUSSI' GIACCHE' LU PROU!!! ( va in bagno di corsa) 

 

FLORA/                     (ridendo, al pubblico)…IEU PENSU CA IERI HA MANGIATI PASULI...AUTRU CA LU CAFE'...AHAHAH...

 

MESCIU RONZU/   ( esce di corsa dal bagno, stravolto, con le dita al naso)  MADOOOOOONNAAAAAA...

 

FLORA/                     CE HA SUCCESSU...

 

MESCIU RONZU/   ...LU PURE’ ...

 

FLORA/                     CUMANDI LU PURE'?...E MO TE LU FAZZU SUBITU...CU LU LATTE O CU LU BURRU?

 

MESCIU RONZU/   (urlando) NONE!...NU ME PIACE LU PURE'... ( si tappa il naso ed entra in bagno)

 

FLORA/                     (delusa) E VUOL DIRE CA NNI PREPARU DDO PASULI!!!...

 

( squilla il telefono)

 

FLORA/                     PRONTO? COMU IESSI, PERCE' AGGIU BESSIRE!?...AH, YES, YES...COMU PE DIRE SINE...E CE CUNTANU DIFFICILE ST'INGLESI!...TIMME, TIMME SIGNOR GEORGE...COMU?...LA CASA NU BBU SERVE CCHIUI? (falsa)...SINE FACITI BUENU...CA IN FONDU E' PICCINNA, ECCHIA...COMU?...LA CAPARRA!?...AHAHAH...SIENTI, SIGNURINO GIORGIU, A LECCE, IN ITALIA,ALLU SALENTU, QUANDU SE SCONZA NU CONTRATTU NU SE TORNA 'NIENTI ARRETU!...CENE? NON CAPISCE?...ALLORA LO TICO IN TALIANO: QUANDO UNO SCONSARE,SCASSARE CONTRATTO FATTO...TUTTO QUELLO AVVERSATO NON TORNA ADDIETRO...QUESTA ESSERE REGOLA DI LEGGE...IO NON SACCIO VOI COMO FARE, MA QUESTA ETE REGOLA...AH!...CHIARO?...BAI,BAI...

 

(bussano alla porta)

 

GIULIA/                     CIAO FLORA, E...PAPA'?

 

FLORA/                     C’E, MA STA IN BAGNO

 

GIULIA/                     E MIO MARITO?

 

FLORA/                     VERAMENTE HA SCIUTU PRIMA IDDHRU, POI HA BISSUTU...E NU SACCIU ADDU STAE...

 

GIULIA/                     (con tono amichevole, con apprensione) SIENTI, FLORA...MA CE TE PARE, COMU STAE...STA CHIANGE, E' VERU!? EH...CE HA FARE...PURU CA ETE NU FARABUTTU NI OGGHIU BENE...E ME MANCA...IEU, TE SULA, INTRU CASA, NU SACCIU STARE!...

 

FLORA/                     A CI LA DICI SIGNORA GIULIA!...CA PURU A MIE 'NCI STANNU CERTI MANCAMIENTI!...

 

GIULIA/                     STANOTTE,PER ESEMPIU NU PIGGHIAVA RIGGETTU...IA ULUTU LU 'MBRAZZU, CU NE DAU NU BACIU, CU ME LU STRINGU FORTE,FORTE...

 

FLORA/                     SIGNORA GIULIA , NU MENTIMU LU DICETU INTRU LA PIAGA...SAPISSI!...COMUNQUE, CALMATE MOI, CALMATE CA LE COSE SE POTENU GGIUSTARE...M'HA BENUTA N'IDEA!...                    

 

GIULIA/                     E SAREBBE?

 

FLORA/                     RESPUNDIME SINCERAMENTE...(gattina)CI PER CASU...PER ESMPIU,NO!?...CI PER CASUALITA' IEU ME SPOSU CU MESCIU RONZU...SSIGNURIA...SI CUNTENTA?

 

GIULIA/                     CUNTENTA?...MA IEU SAREI FELICISSIMA...CA PERICCIU STAE SEMPRE SULU, DDHRU POVERU SIRE MIU!...E POI SSIGNURIA ME PARI PROPRIU 'NGARBATA...MA, TE ST'INTENZIONE, IDDHRU LA SAPE!?...E' D'ACCORDU?...                                

 

FLORA/                     VERAMENTE NO!...MA, SPETTA N'ATTIMU...MO' ETIMU...(chiama Ronzu)...MESCIU RONZU, IEU IA SPICCIATU...

 

MESCIU RONZU/   (da dentro al bagno) E VA BENE FLORA, ABBANDE...GRAZIE

 

FLORA/                     (dolce) MA...CI CUMANDI POZZU RESTARE...GIUSTU CU NI FACIMU COMPAGNIA...CE SACCIU, MAGARI TE PREPARUNA BELLA TORTA ALLE MELE...CA SACCIU CA TE PIACE TANTU...EH?...CE NE DICI, MESCIU RONZU?...

 

MESCIU RONZU/   MA TE SIENTI BONA STASIRA!?

 

FLORA/                     BONA!?...E COMU!!!...NA BOMBA!!! 

 

MESCIU RONZU/   E ALLORA ANE , ANE...FUSCI...MAISIA ME BA SCOPPI INTRU CASA!!!

 

FLORA/                     E VA BENE, ARRIVEDERCI…(rivolta a Giulia, sottovoce) NIENTI, TENTATIVU FALLITU!...TOCCA CANGIAMU TATTICA!

 

GIULIA/                     E SAREBBE?

 

FLORA/                     SCIAMU, CA TE SPIEGU TUTTU STRADA FACENDU...( escono)

 

MESCIU RONZU/   (esce dal bagno, brontolando) MA IEU ULIA PROPRIU CU SACCIU CE FURMINE NI PASSA PE LA CAPU...LA TORTA, LA COMPAGNIA...PUSSA VIA!...TEGNU TANTI PROBLEMI, E QUIDDHRA TAE LI NUMERI!...MAH, ALMENU CU ME DIA NU BELLU TERNU!!!...AHHH...BAHHH...

 

GIGGINO/      ( entrando felice)  E’ FATTA!!!

 

MESCIU RONZU/   HA SCIUCATU ?

 

GIGGINO/      SI, SI...'NCERA NACUTA!...UEH, TUTTI SULLU 71...

 

MESCIU RONZU/  (felice) A POSTU!...E MO', COMU SEMPRE, PRIMA TE L'ESTRAZIONE, NU PICCA TE SCONGIURI E RITI CU CHIAMU LA FURTUNA...

 

GIGGINO/      BENISSIMO...E PURU IEU TE CCUMPAGNU!!!...L'UNIONE FACE LA FORZA!!!

 

MESCIU RONZU/  (parte un sottofondo musicale messo da Ronzo, inizia il rito) ALLORA, STAPPAMU LA BUTTIGLIA...  

 

( parte la musica l’Ottimista ,  gioco di luci poi preparano la sequenza dei riti: 

Giggino accende la candela.

Ronzu versa da bere; fanno tre brindisi al pubblico ALE'-ALE'-71 A ME;

Ronzu va in bagno...una volta uscito con asciugamano in testa e mutande rosse, entra Giulio che uscirà con un asciugamano in testa anche

lui  a mo’ di cappello...( entrate ed uscite veloci)  

accendono la radio e si siedono  al centro della scena per ascoltare le estrazioni del lotto...

 

RADIO/                      E ADESSO  DOPO LA PUBBLICITA’ , LA TANTO ATTESA ESTRAZIONE DEL LOTTO

 

MESCIU RONZU/   (inizia il solito balletto, seguito da Giggino) 71, CHA ,CHA, CHA, DEVI USCIRE CHA CHA CHA  ( ballano incrociandosi)

 

RADIO/                      ...E ADESSO…LA RUOTA DI NAPOLI

 

RONZU/GIGG          CITTI, CITTI... ( si siedono sulle sedie poste al centro della scena  guardando il pubblico)

 

RADIO/                      NAPOLI, PRIMO ESTRATTO 

 

RONZU/GIGG          71

 

RADIO/                      15...SECONDO ESTRATTO

 

RONZU/GIGG          71

 

RADIO/                      44

 

RONZU/GIGG          MA VAFFA...

 

RADIO/                      TERZO ESTRATTO...23

 

RONZU/GIGG          E TE PARIA CA NU BBESSIA LU FESSA!  ( si danno la mano) MO ESSE, MO ESSE!!!

 

RADIO/                      QUARTO ESTRATTO...48

 

MESCIU RONZU/   I MORTI CHE PARLANO ( si abbracciano)

 

RADIO/                      ULTIMO ESTRATTO

 

RONZU/GIGG          71

 

RADIO/                      73

 

RONZU/GIGG          MADONNA!!!...( si abbracciano e piangono)  NU HA BBESSUTU...NU HA BESSUTU!!!

 

GIGGINO/      SIMU ROVINATI… 

 

MESCIU RONZU/   AMU MUERTI, GIGGINU, AMU MUERTI...(mentre sistema la sedia davanti alla finestra)...(con orgoglio, ma triste)...PAROLA E' PAROLA...NU NE PUTIMU TIRARE ARRETU...ANE...ZZUMPA CCHIU FORTE CA PUETI E FUTTITE A BASCIU!

 

GIGGINO/      (piagnucolando) CA TE PARE FACILE!... ( sale per buttarsi)

 

( bussano alla porta)

 

MESCIU RONZU/                                                  ECCULI CQUAI…MMALEDETTI...ANE RRIATI...DAI,MENA...SPINGI FORTE E SPICCIAMULA MOI...A MENU TE NU MENUTU HA SPICCIATU TUTTU!!!

 

GIGGINO/      MA COMU HA 'NCIGNATA STA STORIA, COMU HA 'NCIGNATA!...

 

MESCIU RONZU/   PROPRIU COMU A MOI...CU NUI CA N'IAMU FUTTERE A BBASCIU MENTRE TOZZANU...TE RECUERDI!?

 

GIGGINO/      (sconsolato) SI,SI...PURU CA ME PARE TUTTU NU SENNU!...E VA BENE...O MOI O MAI CCHIUI...GIULIA, PERDUNAME …AHHHH... ( si butta giù)

 

MESCIU RONZU/   E MO TOCCA A MIE….71 , 71...VAFFANCULU...( si butta giù)

 

( ENTRA FLORA – apre con le chiavi )

 

FLORA/                     MESCIU RONZUUU...MESCIU RONZU...MAH, CI SAPE ADDU FURMINE S'HA CACCIATU ( con una busta con le mele) LASSA BBA MINTU STE MILE INTRU LA CUCINA E POI NNI SPOLVERU DDHRE BUTTIGLIE TE MIERU...CA IDDHRU 'NCI TENE TANTU... ( va in cucina)

 

GIGGINO/      ( risale dalla finestra)  AHI...AHI...'NCIA QUASI RIUSCITU...PE PICCA AGGIU SBAGLIATA LA MISURA...AHI,AHI...

 

MESCIU RONZU/   ( chiamandolo da fuori la finestra) GIGGINU...GIGGINU, IUTAME!...

 

GIGGINO/      MESCIU RONZU STA RRIU...(lo aiuta a rientrare, ammaccato)...SAI CE TE DICU?...CA MANCU LA MORTE NNI OLE...SIMU PROPRIU FUTTUTI!...

 

MESCIU RONZU/   (dolorante) NONE...ETE CA TIE I'I RAGIONE...TROPPA DISTANZA TE LA FENESCIA ALLA RINGHIERA...PERO' LA BOTTA A'NCULU L'AGGIU 'NTISA LO STESSU!!!...

 

GIGGINO/      E MO CE FACIMU?

 

MESCIU RONZU/   (deciso) STA FIATA PIGGHIAMU LA RINCORSA...PARTIMU COMU PARTENU LI FUECHI...MPUGGIAMO LU PETE SULLA SEGGIA E...MENA, MMANISCIATE CA MO RRIANU LE SANGUISUGHE!...     

 

GIGGINO/      IEU NU SACCIU SE 'NCI LA FAZZU….

 

dalla cucina rientra Flora

 

FLORA/                     ...CQUAI STATI?...CA CI PRIMA AGGIU CHIAMATU E NU 'NCERA NISCIUNU!

 

GIGGINO/      (subito, imbarazzato) EHM...STIAMU FORE ALLU BALCONE...

 

FLORA/                     IN MUTANDE?

 

MESCIU RONZU/               MEH, E CE 'NCETE DE STRANU...STA FACE CAUTU!...CHIUTTOSTU CE 'NCI FACI CQUAI!?

 

FLORA/                     (felice) AGGIU DECISU CA TE FA ZZU NA BELLAN CROSTATA DE MELE E STASIRA FESTEGGIAMU!         

 

MESCIU RONZU/   AH,SI'?...E CE AMU FESTEGGIARE?

 

FLORA/                     SACCIU IEU CE COSA...E FRA NU PICCA LA SAPITI PURU UI...PERO', PRIMA DE STA COSA, TOCCA FAZZU LI         PREPARATIVI...CU FESTEGGIAMU DDHRA COSA...M'AGGIU SPIEGATA?...BEH, LASSA BBA PREPARU LA CROSTATA...(esce in cucina, tutta sculettante)

 

MESCIU RONZU/  (le grida dietro) SE NU BBERA CA TEGNU TE CE FARE TE CHIAMAVA SUBITU LA NEURU...ROBA DE PACCI!!!

 

( bussano alla porta)

 

ALFONSO/   ( fuori scena) MESCIU RONZU APRI...LA SAPIMU CA 'NCI STAI...APRI...       

 

MESCIU RONZU/   (sconsolato) GIGGINU, APRI LA PORTA

 

GIGGINO/      NU ME PASSA MANCU PE LA CAPU...(correndo)...IEU STA BAU ALLU BAGNU!...

 

MESCIU RONZU/   ( lo blocca) AH NO, TIE, INTRA LU BAGNU MIU NU MINTI CCHIUI LU PETE...

 

GIGGINO/      E CE BBETE STA NOVITA'?

 

MESCIU RONZU/   SACCIU IEU...SSETTATE SULLU DIVANU E CITTU...TANTU ORMAI E' INUTILE NE SCUNDIMU...LU SCECU E' FATTU!

 

GIGGINO/      HAI RAGIONE ( si siede sul divano. Ronzu apre la porta)

 

( entrano  in sequenza Laura - Assunta e Alfonso,  )

 

LAURA/                    ( entrando) AH ...MO' SI CA SE PO DIRE...(guarda con disgusto Ronzu)...RIDOTTO IN MUTANDE!!!     

 

ALFONSO/   MESCIU RONZU...L’ESTRAZIONE HA SPICCIATA...

 

ASSUNTA/   E  LU 71 NU HA BBISSUTO

 

MESCIU RONZU/   (sconfortato) LA SACCIU...LA SACCIU...

 

LAURA/                    E DDHRA SPECIE TE PAMPASCIUNE...LU GGIGGINU...ADDU STAE?

 

GIGGINO/      (esce) ECCUME

 

ASSUNTA/   AH...E 'NCETE PURU L'AMANTE…

 

LAURA/                    UEH, CAPRONE CURNUTONE , PURU TIE IN MUTANDE!?...CE STA FACITI LI FILMINI RUSSI?...

  

MESCIU RONZU/   (con durezza) CITTI, DATIBU NA CALMATA!...VISTU CA 'NCI STATI TUTTI MO PUTIMU PARLARE!                                                                                   

 

ASSUNTA/   (minacciosa) 'NCETE PICCA DE PARLARE!... 

 

ALFONSO/LAURA   GIUSTO!!!...

 

LAURA/ALFONSO/ASSUNTA/ (insieme, gridando)  ...ULIMU LI SORDI!!!!!!

 

GIGGINO/      NU MOMENTU...STATI CALMI...BBU PUTIMU PAGARE!!! (sale sulla sedia)

 

LAURA/                    AH SI? E COMU ?

 

GIGGINO/      NI ENDIMU LA BUTTIGLIA TE MIERU CA TINIA NAPOLEONE E BUSCAMO 50.000 EURU!!! DAI,MESCIU RONZU, A BA PIGGHIALA!!!...(scende)

 

ALFONSO/  E PENSU CA LU GIOVANOTTU HAE RAGIONE...INDI LA BUTTIGLIA E SALVAMU PECURE E PECURARI!...

 

MESCIU RONZU/   (ormai disfatto) MA CE SALVARE E SALVARE...E POI, LU MIERU TE NAPOLEONE, ERA NA SCUSA CU ME 'MPRIESTI LI SORDI, CARU DON ALFONSU!!!...QUIDDHRA NU BBETE MANCU TE ROSOLIU!!!...ETE ACQUA COLORATA...

 

ALFONSO/   AHHH...COMUNQUE...PIGGHIALA LO STESSU DDHRA BUTTIGLIA!

 

MESCIU RONZU/   E A CE TE SERVE...T'AGGIU DITTU CA E' FAUSA!!!

 

ALFONSO/   (ironico, ridendo a denti stretti)...E DICI CA SU FESSA?...LA SACCIU, LA SACCIU CA E' FAUSA...(rabbia) MA CU TE LA SCASCIU N 'CAPU E' BONA!!!    

 

ASSUNTA/   AH, E BASTA CCU STA FARSA...IEU CHIAMU LI CARABINIERI...

 

LAURA/         IEU SU DACCORDU...PERO' CHIAMAMU LA POLIZIA...

 

ASSUNTA/   E PERCE'?

 

LAURA/                    ...CA SE NO, CU LI CARABINIERI, SPICCIA TUTTU A BARZELLETTA!!!

 

FLORA/                     ( entrando dalla cucina con vassoio con la crostata)  NON VI SCOMODATE...NU 'NCE FILU BESEGNU TE LI CARABINIERI O TE LA POLIZIA...FORSE TE LI VIGILI URBANI SINE...CUSSI' MINTENU ORDINE A TUTTU STU TRAFFICU CA 'NCETE INTRU STA CASA!...SIA!...SIGNORA SSUNTA, SIGNORA LAURA...(sprezzante)...NUI, LI DEBITI, LI PAGAMU SEMPRE, PRIMA O POI...E ALLORA, PRIMA MANGIATIBBU NA FEDDHRA TE STA CROSTATA, CA POI BU PAGU!!!

 

ALFONSO/  ( rivolto a Ronzu)   E LI SORDI CA T'AGGIU 'MPRESTATI ?

 

MESCIU RONZU/   SEMPRE IDDHRA...L'HA 'NTISA,NO? 

 

ALFONSO/  VERAMENTE A MIE NU M'HA MANCU NOMINATU!

 

LAURA/                    E’ VERU...IEU NU L'AGGIU 'NTISU LU NUME TE SSIGNURIA!

 

(Giggino si riveste)

 

FLORA/                     DON ALFONSO NU TE PREOCCUPARE...CA PURU TIESTAI INTRU LA LISTA...CUMANDI NU PEZZETTU!? (crostata)

 

ALFONSO/   PE CARITA'...E CUSSI' ME INCHIU TE 'MPUDDHRE!!!...

 

FLORA/                     (ridendo) CERTU CA LE 'MPUDDHRE TE ESSENU A TUTTE PARTI, EH?... 

 

ASSUNTA/  SIGNORA FLORA SCUSA, MA CU QUALI SORDI PAGHI TUTTI STI DEBETI?

 

LAURA/                    (ironica) GIA'...MAGARI SU FAUSI!!!?

 

FLORA/                     (cattiva) TE FAUSU CANUSCU SULAMENTE LU CORE UESCIU...ARPIE!!!...(si rivolge a ROnzu)...PERO' 'NCETE NA CONDIZIONE...MESCIU RONZU...MANGIA LA CROSTATA!!!

 

ALFONSO/   PENSU PROPRIU CA TE CONVIENE CU ACCETTI QUALSIASI CONDIZIONE...PURU CA TESSENU LE 'MPUDDHRE COMU A MIE!!!   

 

( bussano alla porta, sono gli inglesi)

 

GEORGE/     HELLO’, SIAMO  TORNATI

 

LAURA/                    MEH...E QUISTI CI SUNTU?

 

FLORA/                     (a voce bassa a Laura) LA COPPIA INGLESE CA OLE SE CCATTA L'APPARTAMENTU...SIGNORI NGLESI BUONGIORNO... A CHE DOBBIAMO L'ORRORE DI QUESTA VISITA?

 

MARCELLA/            ( a Flora) NOI AVERE DECISO, SE TU NON DARE A  NOI CAPARRA, ALLORA NOI COMPRARE APPARTAMENTO...VERO GEORGE?

 

GEORGE/     MA CERTO , MARCELLA

 

ASSUNTA/   MA QUALE CAPARRA?

 

FLORA/                     (padrona della situazione) CALMI, CALMI...LA CASA L'ABBIAMO GIA' VENDUTA!!!

 

GEORGE/     DAVVERO? E CHI COMPRARE?

 

FLORA/                     E A VOI CHE VE NE FOTTERE?

 

MARCELLA/            OK, E ALLORA NOI FOTTERE DI CAPARRA, ALTRIMENTI NOI ANDARE POLIZIA...

 

FLORA/                     (ridendo forte) E BBU CARCERANU PE L'ESTORSIONE!...IN ITALIA, CARO EX MARCELLO, ESISTERE PERDITA DI TUTTO QUANDO RINUNCIARE...VOI TELEFONATO PER RINUNCIARE...IESSE!?...PERO', SICCOMU CA ME SENTU BONA TE CORE, MEH...BU DAU ARRETU LA CAPARRA...E PURU A BBUI AGGIU SISTEMATU!!!

 

MARCELLA/            PER NOI  E’ TUTTO OK, VERO GEORGE?

 

GEORGE/     YES MARCELLA

 

ASSUNTA/  SCUSATI EH!...FORSE ME STA SONNU, FORSE AGGIUN PERSI LI SENSI...MA IEU...NU BBERA PROPRIETARIA TE NA CASA!?...TE STA CASA!...E QUANDU L'AGGIU ENDUTA...E CI SE L'HA CCATTATA...E DDU STANNU LI SORDI!?...

 

FLORA/                     (sorridendo) DICU BUENU CA IMU CHIAMARE LI VIGILI...SIGNORA SSUNTA, QUANDU SE INDE NA CASA TOCCA SE DAE LA PRECEDENZA!...EH,SI...LA PRECEDENZA A CINCA ABETA!...E SICCOMU CA MESCIU RONZU HAE TANTI ANNI CA TE PAGA LU SCROCCU TE LU 'NFITTU, MOI HA DECISU CU SE LA CCATTA, VA BENE!?...AHHH...

 

ASSUNTA/   ( ironica) E CA CERTU...E COMU NO...MAGARI DOPU C'HA FATTA NA RAPINA ALLA BANCA!!!

 

( bussano alla porta)

 

FLORA/                     NONE, NONE...ANE RRIATI LI SORDI...ANE RRIATI!!! (va ad aprire)

 

GIULIA/                     SALVE!

 

GIGGINO/      GIULIA MA CE 'NCI FACI QUAI ?

 

GIULIA/                     TE TUTTU QUIDDHRU CA STA SUCCEDE LU MERITU ETE TE LA FLORA...IDDHRA M'HA CONVINTA E CONSIGLIATA...

 

GIGGINO/      CU FACI CENE?

 

GIULIA/                     MA A GIOCARE AL BANCOLOTTO...TESORO...

 

MESCIU RONZU/   E CU QUALI SORDI ?

 

GIULIA/                     (sorriso vincente) CU LA CAPARRA TE L'INGLESI: TRENTAMILA EURU!!!... 

 

ALFONSO/               TALE PADRE TALE FIGLIA 

 

MESCIU RONZU/   GIULIA,  NU ME DIRE CA T'HA SCIUCATU LU 71 PURU TIE

 

GIULIA/                     LU NUMERU L'HA SCELTU LA FLORA! 

 

FLORA/                     ( sensuale) MESCIU RONZU...E SECONDU TIE...IEU ME SCIUCAVA LU 71?...DDHRU NUMERU CA STA RRUINA TANTA GENTE A TUTT'ITALIA?...E MICA SU FESSA...(lo guarda)...COMU A IDDHRI!

 

MESCIU RONZU/   E ALLORA...CE NUMERU HA SCIUCATU!?

 

FLORA/GIULIA       29 PRIMO ESTRATTO RUOTA DI ROMA!!!

 

GIGGINO/      (saltellando di gioia) LA SAPIA, LA SAPIA IEU...BRAVA FLORA, BRAVA...E  PURU  TIE GIULIA!!!

 

FLORA/                     (con aria da nobildonna) E ADESSO,  GIULIA  PAGA TUTTI!!! 

            ( mentre Antonio e Flora fanno un brindisi) Giulia si sposta sul lato sinistro della porta d’ingresso;  è di spalle al pubblico , tutti intorno a lei ,  incomincia a pagare  e poi, via, via se ne vanno, prima gli inglesi, poi Assunta, poi Laura,  poi Alfonso, infine Giggino e Giulia si abbracciano e se  ne vanno)

 

 

MESCIU RONZU/   …FLORA SCUSAME, A PARTE LI RINGRAZIAMENTI...ULIA SACCIU TE DDHRA FAMOSA CONDIZIONE!!!

 

FLORA/                     (sicura di sè) VERAMENTE 'NCETE QUALCHE PICCOLA SCIUNTA...PE PRIMIS AMU SCIRE ALLA SCOLA TE BALLU...

 

MESCIU RONZU/   E COMU NO!...A MIE ME PIACE CU BALLU! ( mima un passo )

 

FLORA/                     ...POI, OGNI TANTU NI SCIA BBETIMU NU BELLU FILM...  

 

MESCIU RONZU/   E COMU NO!...A MIE ME PIACE LU CINEMA! (mima una sparatoria)...BUM, BUM...

 

FLORA/                     ...POI, OGNI TANTU ME PUERTI ALLU RISTORANTE, NO? 

 

MESCIU RONZU/  E COMU NO!...A MIE ME PIACE CU MANGIU!!!

 

FLORA/                     E POI...ALLU TEATRU (apre le braccia verso la sala)

 

MESCIU RONZU/   E COMU NO!...DO BELLI POSTI ALLA PRIMA FILA...AHHH!!!!

 

FLORA/                     (sensuale)  E ALLORA, VISTU CA CQUAI NU 'NCE CCHIU NISCIUNU...CE STA SPETTAMU!?...SCIAMU,NO!?...CA STASIRA 'NCETE NA BELLA COMMEDIA!!!

 

MESCIU RONZU/   E COMU NO!…PREGO! ( apre la porta d’ingresso)  

 

FLORA/                     (sensuale) RONZINOOO...GUARDA CHE A TEATRO NON SI VA IN MUTANDE...CON LA MUTANDA SI VA DA UN'ALTRA PARTE!!!

 

MESCIU RONZU/   OH MA CHE SCIOCCO, SCUSAMI CARA,  ADESSO SUBITO MI RIVESTO E   ANDIAMO A   TEATRO...

 

FLORA/                     MA CE STA DICI!...(molto sensuale, gli si avvicina, gli fa una carezza)...RESTA PURE IN MUTANDE, RONZINO, STASERA, IL TEATRO...LO FACCIAMO NOI... 

 

MESCIU RONZU/FLORA       ( fermi abbracciati, dondolandosi fino alla chiusura – 

 

SIPARIO - parte la musica)

 

 N.B: puoi scaricare le musiche necessarie alla commedia direttamente dal sito dell'Autore

scrivi a orestedesantis@libero.it

 

 

 

                                                                       F I N E